Amasa Villabonako EH Bilduko kideok bat egiten dugu, Kontseiluak antolatuta larunbat honetan 17:30etan Iruñeako Golem zinemetatik abiatuko den manifestazioarekin.

Nafarroan aldaketa politikoa eman da, baina oraindik oztopo nabarmenak daude euskarak behar dituen aldaketa guztiak egin ahal izateko. Aldaketa euskaratik eta euskaraz egin ahal izateko, garrantzitsua da euskalgintzak eta nafar euskaltzaleak indarra egitea eta zentzu horretan manifestazio hau mugarri izatea espero dugu.

Azkenik, Amasa Villabonako herritarrei manifestazio honetan parte hartzeko deia luzatu nahi diegu. Euskaraz bizi nahi dugu!