EH Bilduko oinarriek Araba, Bizkai eta Gipuzkoako herri eta auzoetan egindako batzarretan Arnaldo Otegi aukeratu dute beren lehendakarigai, udazkenean egingo diren hauteskundeetarako.

Bihar, asteazkena, hilaren 25a, 'Hobetzeko entzuten' ekitaldi zikoko bigarren hitzaldia egingo da Bilboko Euskalduna jauregiko erakusketa aretoan (joan den larunbatean Iruñeko Labrit pilotalekuan egindakoa izan zen lehendabizikoa). Arratsaldeko 19:00etan hasiko den ekitaldi ireki hori izango da Otegiren lehen agerpen publikoa lehendakarigai gisa. XXI. mendeko asanblada eredua irudikatzen da ekitaldi horietan, eta herritarrek aukera zuzena daukate Otegiri eta EH Bilduko beste ordezkari batzuei galderak eta proposamenean modu zuzenean bideratzeko.