Jasone Agirre EH Bilduko legebiltzarkideak instituzioen erantzunaren defizitak kritikatu ditu eta arduraz jokatu dezatela eskatu die euskal administrazio publikoei. Premiazkoa da Bilbon aterpetxea zabaltzea eta Jaurlaritzak Migrazio eta Aniztasun Zuzendaritza sortu behar du, politika propioak diseinatzeko eta erakundeak koordinatzeko.

Azken egunotan Euskal Herrira iritsitako migratzaile eta errefuxiatuek instituzioen aldetik jaso duten arreta eskasak kezkatuta, EH Bilduk zenbait proposamen egin ditu Legebiltzarrean pertsona horiei zaintza eta babes egokia eskaintzeko. Jasone Agirrek adierazi duenez, instituzioek beraiek hartu behar dute horren ardura, nahiz eta eskertzekoa izan, eta hala azpimarratu du Agirrek, herritarrek eta mugimendu sozialak emandako erantzuna, errefuxiatuak eta migratzaileak hartu eta zaindu dituztelako, azkar erantzuten jakin izan dutelako erakundeak kale egiten ari direla ikusita.

Jasone Agirrek Legebiltzarrean egindako agerraldia, EH Bilduren eskaerak azaltzeko

Edonola ere, EH Bilduko legebiltzarkideak instituzioen ardura nabarmendu du, eta hitzetatik ekintzetara pasatzeko eskatu dio Jaurlaritzari. “Ondo deritzogu haren diskurtsoari, gure herria harrera herria izan dadin, baina hitzekin ez da nahikoa, ekintzak behar ditugu, erantzun arinak”. Horren haritik, Agirrek bat egin du gizarte eragileen eskariarekin eta premiazkotzat jo du Bilbon aterpetxe bat berehala irekitzea, “migratzaile eta errefuxiatuak kale gorrian geratu ez daitezen”. Dena den, ohartarazi du, “aterpetxe hori ez litzateke nahikoa izango, arretarako sare egoki eta iraunkorra behar dugulako Bizkaian, Araban eta Gipuzkoan”. Izan ere, “hau izango da gure egunerokoa hemendik aurrera eta hemen erabaki dugu herritarrak zaintzea, bertakoak izan, kanpokoak zein bideak daudenak izan”.

Halaber, Agirrek instituzioen arteko koordinazio falta eta arin erantzuteko gaitasunik eza salatu ditu. Hori dela eta, Jaurlaritzan Migrazio eta Aniztasun Zuzendaritza proposatu du, horrek politika propio eraginkorrak diseinatzea eta erakundeak koordinatzea ahalbidetuko lukeelakoan.

Josu Estarrona EH Bilduko legebiltzarkideak adierazi duenez, “paradigma aldaketa baten aurrean gaude, baina Gobernuaren enplegu plan edo estrategietan betiko neurriak, betiko lan-merkatura eta lanbide tradizionaletara bideratutako lan-ildoak jasotzen dira”.

Legebiltzarrak aho batez onartu du gaur, EH Bilduren ekimenez, gazteriaren lan egoera hobetzeko eta euskal gazteen egiturazko prekaritatea gutxitzeko talka-tresna izango diren neurriak. Josu Estarronak azaldu duen bezala, “gazteen laneratzeko erronka berriei heltzeak politika publikoen paradigma-aldaketa eskatzen du”. Hori horrela izanda, “ez dugu ikusten Gobernuaren enplegu plan edo estrategietan paradigma berri horri erantzuteko neurri edo politikarik, betiko neurriak, betiko lan-merkatura eta lanbide tradizionaletara bideratutako lan-ildoak jasotzen dituztelako”.

Josu Estarrona legebiltzarrean, EH Bilduren proposamenak aurkezten

Adibidez, “nekez ulertu daiteke nola 2017-2020 Plan estrategikoak ez duen inolako saiakerarik egiten ez genero ikuspegitik ezta izaera kualitatiboa duten helburu estrategikoak objetibatu edo kuantifikatzeko. Edota, Gazte enplegua sustatzeko neurri guztien artean ezin aurkitu daiteke sortu nahi den enpleguaren kalitatearen inguruko adierazle bakar bat ere. Berdin gertatzen da Jaurlaritzak aurkeztutako IV. Gazte Planean”.

Horregatik, EH Bilduk Legebiltzarrera ekarri duen proposamenean eskatzen du “Jaurlaritzak gazteen enplegua sustatzeko politiketan, estrategietan eta plan estrategikoetan aintzat hartu dezan hainbat neurri”. Estarronaren hitzetan, “uste dugu aurreko astean Enplegu Planaren inguruan erdietsitako akordioa norabide aldaketaren hasiera bat suposatu zuela eta gaurko akordioak indartzera datorrela norabide aldaketa hori. Apur bat kostata eta pixkanaka-pixkanaka bada ere, ari gara eztabaida politiko honen muinean Gobernuak zuen posizioa bide onean jartzen”

“Donostiarrek gezurrik esaten ez duen udal gobernu bat behar dute: Ez dago sententziarik Garberaren handitzera behartzen duenik”

Donostiako tokiko gobernuak Garbera handitzea onartu zuenetik astebete igaro denean, udal gobernuak beste merkataritza gune berri bat (Belartza II) ireki ahal izateko hitzarmen urbanistikoaren tramite bat onartu du. Eta gogoratu behar da bi erabaki hauek justu Eusko Legebiltzarrak udal guztiei (Donostiakoari barne) merkataritza-gune berrien irekiera edo handitzea ez ahalbidetzeko eskaera egin eta gutxira hartu dituztela.

Donostiako EH Bilduko zinegotziek egindako agerraldia

Garbera eta Belartza irekitzeko EAJ-PSEk hartu dituzten bi erabaki hauek Donostiako etorkizun ekonomiko eta soziala baldintzatuko dute, zalantzarik gabe. Batetik, hiriko denda txikietan eragin handia izango dute eta, horren ondorioz, gure auzo eta kaleetako bizitzan eragin zuzena izango dute.

EAJ-PSE: Merkataritza gune handien aldeko apustua

Eta, era berean, gogoratu behar da bi hauek ez direla etorkizun hurbilean Donostia inguruan irekiko diren merkataritza gune handi bakarrak. Usurbildik Irunera doan korridorean, EAJ-PSEren ekimenez, merkataritza gune handietan, orotara, 200.000 m² berri irekiko dira. Beraz, Donostiako merkataritza txikiak oso kezkatua egoteko arrazoi asko dituenik inork ezin du zalantzan jarri.

Horren lekuko, pasa den ostiralean Merkataritza Kontseiluan gertatu zena: pasa den urtearen bukaeran, udal gobernuak konpromisoa hartu zuen Garberaren handitzeak izango dituen ondorioei buruzko txosten bat bertan aurkezteko. Gehienez, martxorako eramango zuela iragarri zuen. Baina uztailean gaude, tokiko gobernuak Garberaren handitzea onartu du eta txostenaren berri ez dago ez Merkataritza Kontseiluan ez udaletxean ez inon.

EH Bildutik egiten dugun galdera hau da: Horrelako erabakiak hartzen dituen gobernu baten helburua zein da? Merkataritza-txikia indartzea ez dela lehentasuna zalantzarik ez dago. EAJ-PSEren apustua merkataritza gune handien aldekoa da, argi eta garbi.

Eta sektoreren iritziaz gain, herritarren artean, gehiengoak merkataritza gune berririk ez du nahi. Era berean, nabarmendu behar da erabaki hauek Eusko Legebiltzarraren mandatu argiaren aurka hartzen ari direla. Gutxienez, kuriosoa da Eneko Goia eta Ernesto Gasco Legebiltzarrari “intsumisoa” egiten ikustea, zertarako eta interes pribatu zehatz bati mesede egiteko.

EH Bilduk 5000 eskuorri dendarien artean

img_8659Hauek horrela, EH Bilduk ekimena hartu du, merkataritza txikiarekin elkarlanean, EAJ-PSEk merkataritza gune handien alde egiten duten apustuaren aurrean, auzoetako denden alde eta auzoetako bizitzaren alde egiteko. Horretarako, Donostian eta Donostia inguruan ireki nahi diren 8 merkataritza guneen berri ematen duen eskuorria atera du EH Bilduk, eta gure hirian dauden ia 5000 dendarien artean banatzen ari gara eta banatuko ditugu hurrengo asteetan.

EAJ-PSE gezurretan, lotsarik gabe

Baina erabakiak larriak badira, erabakiak justifikatzeko EAJ eta PSE erabiltzen ari diren argudioak are okerragoak dira. Herritarren aurrean gezurrak esaten ari dira, lotsarik gabe. Eta ez behin, ez bitan. Gai honi dagokionean, gezurra da nagusi udal gobernu honetan. Bi adibide:

Bata, Garberaren zabalkundea justifikatzeko EAJ eta PSEren ordezkariak esaten ari dira badagoela sententzia bat hori egitera behartzen duena. Eta hori, zuzenean, gezurra da. Ez dago sententziarik hori ebazten duenik. Auzitegi Gorenaren epaiak bertan behera utzi zuen saltoki handientzako ezarritako 25.000 m²-ko muga. Eta gainera, Garberaren zabalkundea Donostiarentzat egokia zen ala ez erabakitzea udalaren ardura zela ebazten zuen Auzitegiak. Eta EAJ-PSEk erabaki dute baietz; erabaki politiko hutsa izan da. EAJ-PSEk Garberaren zabalkundea sustatu eta onartu dute, eta EAJ eta PSEren zinegotziek aldeko botoa eman dute tramiteak horrela eskatzen zuen bakoitzean (udalbatzan gutxienez 5 aldiz). EAJ eta PSEren erabaki politiko hau gabe, Garberaren zabalkundea ez zen ezta tramitatu ere egingo.

Eta beste aldetik, udal gobernua gezurretan ari da Garberaren zabalkundea merkataritza gune berri bat irekitzeko hartzen duen azken erabakia dela esaten duenean. Eta gaurko erabakia da horren adierazle: gaur, zehazki, udal gobernuak HAPOaren aldaketa xedea duen beste erabaki bat hartu du, kasu honetan Belartza Gainari buruzkoa.

Gezurretan aritzera ez da bidezkoa. Munduan badaude leku batzuk non gezurretan harrapatuak izan diren politikariak dimititu behar duten. Ez da Donostiaren kasua ezta udal gobernu honen kasua, begi-bistan da. Halere, EH Bilduren iritziz gero eta garbiagoa da Donostiarrek gezurrik esaten ez duen udal gobernu bat behar dutela.

Azkenik, aurreratu nahi dugu bai Belartza II-ren kasuan baita Garberaren kasuan ere EH Bilduk kontrako botoa emango duela.

EH Bildutik gure elkartasun eta babes osoa eskaini nahi diogu, Israelgo estatuaren aldetik indarkeria basatia pairatzen ari den Palestinako herriari. Okupazioari eta Israelek eragindako giza eskubideen urraketa masiboari ez!

Azken orduetan sekulako sarraskia egiten ari da Israel Gazan. Azken albisteen arabera gutxienez 55 palestinar hil eta 2.400 zauritu ditu Israelgo armadak, AEBen Jerusalemgo enbaxadaren irekieraren aurkako manifestazioetan.

Gainera, gaur bertan 70 urte bete dira Israelek Palestinako lurraldeak okupatu zituenetik, egun honi NAKBA (hondamendia) izena jarri zioten behartuta beren lurrak utzi behar izan zituzten palestinarrek. Orduz geroztik okupazio ilegala eta palestinar herriaren kontrako genozidioa dira lurralde horrek bizi izan duen tragedia izugarria.

Zer gehiago gertatu behar da Nazioarteko Komunitateak errekazionatu eta neurriak har ditzan? Noiz arte begiratu behar dute munduko boteretsuenek beste alde batera? Hau onartezina eta lotsagarria da. Israelek denon begiradapean giza eskubideen kontrako ekintza odoltsuak egiten dituen bitartean, non daude giza eskubideen defentsan jarduten omen duten Europako herrialdeak?

OKUPAZIOA ETA SARRASKIA GELDITU!

PALESTINA ASKATU!

AHTa zentzurik gabeko diru xahuketa dela esanda, Europak osoko zuzenketa egin dio Jaurlaritzari. Egoera salbuespenezkoa dela iritzita, EH Bilduk uztaila habilitatzea eskatu du Legebiltzarrean, Arantza Tapiak argitu dezan Euskal Y-a geldituko duen edo akatsean tematuko den.

Mikel Oterok eta Larraitz Ugartek agerraldia egin dute gaur Legebiltzarrean, Europako Kontu Auzitegiak Abiadura Handiko Trenari buruz egindako txostenaren ostean Jaurlaritzaren inbertsio publiko nagusia “hankaz gora” geratu delako eta, txostenak dioena ikusita, ezinbestekoa delako proiektua birpentsatzea. Ugarteren hitzetan, Europako Kontu Auzitegiak osoko emendakina egin dio Lakuari. “Arantza Tapia Ekonomiaren Garapen eta Azpiegitura sailburua txostenaren edukia gutxiesten edo desitxuratzen saiatu den arren, Kontu Auzitegiak agerian utzi du Jaurlaritzak azken urteotan AHTari buruz esandako guztia engainu handia baino ez dela izan”.

Larraitz Ugarte eta Mikel Otero EH Bilduko legebiltzarkideak gaur egindako agerraldian

Hori horrela, egoera hain larria izanik, premiazkoa eta ezinbestekoa da Tapiak azalpenak ematea Legebiltzarrean, bertan argitu dezan Jaurlaritzak Europak dioenari erreparatuko dion eta ‘Euskal Y’-a behingoz geldituko duen ala begiak itxi eta, itsu-itsuan, akatsean tematuko den. Izan ere, aipatutako “txostena jauzi kualitatiboa da AHTari buruzko eztabaidan, orain Europako Kontu Auzitegia bera delako proiektu hori ezbaian jartzen duena”. Ugarteren ustez, salbuespeneko egoera batek ez-ohiko neurriak eskatzen ditu; hortaz, EH Bilduk, Podemosekin batera, uztaila habilitatzea eskatu du Parlamentuan, Tapiaren azalpenak lehenbailehen ezagutzea behar-beharrezkoa dela iritzita. Auzitegiaren txostena irakurrita, logikak dio bai ‘Euskal Y’-a, bai Nafarroarekiko lotura, bai Arabako Errioxa zeharka dezakeen linea gelditu behar direla.

Ildo horri jarraituz, Mikel Oterok azpimarratu du Europako Kontu Auzitegiak EH Bilduren betiko tesia berretsi duela, abiadura handiko proiektua zentzurik gabeko diru xahuketa dela. Zehazki, txostenak argi uzten du ‘Euskal Y’-a ustez txertatuta dagoen ardatz atlantikoa ez dela burutuko, Gobernu frantsesak erabaki duelako Bordele-Hendaia tartea ez egitea. Halaber, Kontu Auzitegiaren arabera, AHTaren benetako kostua 7.000 milioi euro ingurukoa izango da, Lakuak esandakoa baino milaka milioi gehiago. Eta azkenik, ohartarazten du abiadura handiko linea batek 9 milioi erabiltzaile urteko izan behar dituela arrakastatsua eta errentagarria izateko; ‘Euskal Y’-aren kasuan, ordea, Gasteiz eta Madrilgo gobernuen kalkulu interesatuen arabera, erabiltzaile kopurua 4,8 milioi bakarrik izango lirateke.

Zubimusu ikastolak sekulako jaialdia antolatu du datorren maiatzaren 19rako. Egun osoan zehar luzatuko den egitarau zabala izango da eta Villabonako Malkar, Berdura eta Errebote plazetan eta Zizurkilgo Joxe Arregi plazan izango dira ekimenak.

Zubimusu Ikastolako arduradunen hitzetan, "Ilusioaren, elkarlanaren eta festa-gosearen emaitza da MILIMETROAK jairako antolaturiko aurtengo egitaraua. Marka guztiak hautsi nahi izan ditu ikastolak zubimusutarrok egun zoragarriaz gozatzeko asmoz. Aurten festa kalera atera nahi izan dugu Kilometroak jaiaren antolakuntza eredua oinarri hartuta".

Eskulanak, jokoak, batukada, bertso saioa, kalejira, erraldoiak, dantza eta beste hainbat sorpresez gozatzeko eguna izango da maiatzaren 19a.

Bazkaria Zubimusuko DBHko ikasleek egingo dute, herriko elkarte gastronomiko ezberdinetako kideekin batera. Ikastolak eskerrik beroenak eman nahi izan dizkie MILIMETROAK jaia antolatzen aritu diren guztiei, eta baita elkarteetako kide eta eragileei ere.

Ilusio handiz prestatu da jaialdi hau eta Zubimusu ikastolatik azken mezu hau zabaldu dute lau haizeetara: "Gutxi falta da MILIMETROAK jaia bizitzeko, arnasteko, gozatzeko!"

EGITARAUAREN KARTELA:

Pasa den larunbatean 80.000 eta 90.000 pertsona artean bildu ziren Iruñeako kaleetan Altsasuko zortzi auzipetuen aldeko manifestazioan. Apirilaren 14ko erantzun masiboa ere txiki utzita, Iruñean aspaldi izandako mobilizaziorik handiena izan zen. Amasa Villabonatik ere ehundik gora lagun joan ginen antolatu genituen 2 autobusetan eta asko izan ziren Iruñeara kotxean joan zirenak ere. Beste behin gure herriak elkartasun ariketa zoragarria egin zuen larunbatean.

Neurrigabekeriari erantzun neurrigabea eman zitzaion Iruñean. Elkartasunak gainezka egin zuen, eta, amaieran, gurasoen eta antolatzaileen aurpegietan emozioa nabari zen horregatik. Eskerrik asko zioen pankarta atera zuten, esker onez. «Justizia nahi dugu», errepikatu zuten ozen Bel Pozuetak (Adur Ramirez de Aldaren amak) eta Gotzon Urruzolak (Aratz Urruzolaren aitak).

Hasteko ordubete falta zela, Sadar futbol zelaiaren inguruak jendez gainezka zeuden, Osasunak zerbait jokoan duen aldi handietan bezala. Oraindik ezer antolatu gabe zegoela, senyera ugari ikus zitezkeen. «Manifestazio erraldoia» izango zela esatera ausartu zen Adolfo Araiz EH Bilduko parlamentaria. Bostak jotzear zirenean, zortzi auzipetuen gurasoak pankartaren atzean jarri zirenerako, aurreikuspen haren lehen zantzuak antzeman ziren: Sadar kalearen bi aldeetan, jendea ezin kabiturik; aurretik jendetza, eta atzetik berdin.

Txalo artean eta "Altsasukoak askatu"" oihu artean ekin zion manifestazioak. Lehen ehun metroak eginda eta lehen biribilgunera iritsita antzeman zen hobeto erantzunaren tamaina. Aurretik, errepide amaiera ikusten uzten ez zuen jendetza zegoen, eta antolatzaileek une oro manifestazio buruari toki egiteko, albora egiteko erregutzen zuten. Bigarren biribilgunera helduta, Zaragoza etorbidean sartzerako, ikuspegi bera errepikatu zen: aurretik, errepide bazterretan jendea txaloka, justizia eske. Atzetik, uholdea.

Hasieratik amaieraraino iraun zuen. Lau kilometroko ibilbide luzean, alde banatan noiz iritsiko zain zeuden herritarrekin egin zuen topo manifestazio buruak, eta erantzunaren inguruko beste bi datu deigarri daude. Batetik, kartel nagusia Zaragoza etorbidean gora zihoala, Foruen plaza iritsi baino lehenago ekin zion atzealdeak, apurka, ibilbideari. Bestetik, manifestazio burua Karlos III.a etorbidera iritsi zenerako, amaiera oraindik Zaragoza etorbide behealdean zegoen, eta aurretik herritarrez beteriko 2,5-3 kilometroko ibilbidea zuen.

Ordu eta erdi geroago heldu zen helmugara manifestazioa, txalo artean. Karlos III.a etorbidean kokatutako oholtzaren inguruak jendez lepo zeuden, baita alboko kaleak ere. Ekitaldia hasi aurretik, isilune bat egin zen, eta jarraian txalo zaparrada batekin erantzun zioten bertaratutakoek.

Hiru diskurtso

Berehala, Jon Maia bertsolariak segidilla bat abestu zuen. Abeslari batek jota bat abestu zien gazteei: «Noiz arte eutsiko diogu egoera bidegabe honi». Drogas abeslari iruindarrak eta Mikel Markezek abesti bana kantatu zuten. Aurretik, umorez aritu zen emandako babesari buruz: «Eskuak pilotarien antzera ditut, babaz beteak, hainbeste txalo egitearen ondorioz».

Ekitaldian, hiru diskurtso nagusi entzun ziren. Batetik, antolatzaileek urte eta erdi honetako argi-ilunak nabarmendu zituzten. Itzalen artean, atxiloketak, espetxeratzeak, sakabanaketak, gazteetako hiru denbora luzez Fies egoeran izatea, asteon fiskaltzak helegitea jarri izana...: «Nola definitu? Ankerkeria, krudelkeria, sadismoa? Baina argiak ere izan ditugu». Horien artean, jasotako elkartasuna nabarmendu zuten.

Bigarrenik, Jokin Unamunok espetxetik idatzitako gutuna irakurri zuen haren amak. «Epaiketa zirku bat izan zen, eta epaia, kolpe gogorra, nahiz eta nik neuk oraindik latzagoa izatea espero nuen. Ezin da inor espetxera bidali gertaeretan parte hartu izana frogatu gabe, eta are gutxiago iritzi eta susmoetan oinarrituta».

Hirugarrenik, Bel Pozuetak eta Gotzon Urruzolak salatu zuten auzi honetan «mendekuz» jokatu duela Espainiako Auzitegi Nazionalak. «Ez dute egia bilatu». Gogora ekarri dute Carmen Lamela instrukzio epaileak Guardia Zibilaren domina jaso duela, Concepcion Espejel epaimahaiburuak bezala. «Non dago inpartzialtasuna?». Haien ustez, auzi honetan «boterearen gehiegikeria» nabarmendu da, eta komeni da «demokraziaren kalitatearen eta eskubideen defentsan egoera hori iraultzea. Neurri legalak nahi ditugu saihesteko legearen erabilera estentsiboa eta botere abusuak». Hartara, politika, gizarte, unibertsitate eta zuzenbide arloko eragileei mahai bat osatzeko deia egin diete, «benetako soluzio eraginkorrak bilatzeko».

Sahararrak 1969. urtean hasi ziren autodeterminazioa aldarrikatzen, artean Espainiako kolonia zela, Saharako Askapen Mugimendu Nazional sortu berriaren sorrerarekin. Gerora Fronte Polisarioak hartu zuen mugimendu haren lekukoa, 1973ko maiatzaren 10ean, eta handik hamar egunera egin zuen lehen ekintza, maiatzaren 20an.

Urtero, data horien artean Maiatza Borrokan ekimena antolatzen du Tolosaldea Sahararekin - Sahara Bizi elkarteak. Aurten ere ez da ekintzarik faltako hiru egun horietan:

Maiatzak 10, osteguna

'Fusiles o pintadas' dokumentalaren proiekzioa, Anoetako udaletxeko pleno aretoan, 18:30ean. Ondoren, Jordi Oriola ikus-entzunezkoaren zuzendariarekin solasaldia.

Maiatzak 11 eta 12, ostirala eta larunbata

Erresistentzia Haima jarriko dute Trolosako Triangulo plazan. Tarte horretan, hitzaldiak eta dokumentalak izango dira; era berean, Saharako gastronomiaz gozatzeko aukera izango da, bertako musikak girotuta. Gdeim Izik ere gogoan izango dute.

Maitzak 16, asteazkena

Gaici Nah idazlearen 'El Muro marroquí: la versión marroquí del apertheid' liburuaren aurkezpena, 19:00etan Antxon Bandres bidaiarien txokoan.

Maiatzak 20, igandea

Berazubi estadioan, Bueltaka. 09:30ean hasiko da, 13:30era arte. 

Oiartzungo alkateak eta EH Bilduko hautetsien ordezkaritza batek Osoko Bilkuran jarraitu dute eztabaida eta hartutako akordioa “inflexio puntu” bat dela azpimarratu dute.

EH Bilduren ekimenez, merkatal gune handien zabaltzeari mugak jarri behar zaizkiola onartu du gaur Legebiltzarrak, interes orokorrean oinarriturik eta azpiegitura horiek dendari txikiei, ingurumenari eta lurralde antolakuntzari eragiten dieten kaltea kontutan hartuz.

EH Bilduk Elkarrekin Podemos eta PPrekin adostu du Legez Besteko Proposamena. Lehenengo bi puntuak,gainera, EAJ eta PSEren aldeko botoa ere jaso dute. Bertan, Legebiltzarrak Jaurlaritzari eskatzen dio hiru hilabeteko epean aurkez dezala plan eta egutegi bat saltoki handien inguruan. Planak argi berdea ez duen bitartean, moratoria bat ezartzea ere eskatu du Legebiltzarrak, baina Gobernua sostengatzen duten alderdiek ez dute puntu hau babestu. Horregatik, EH Bilduko Legebiltzarkide Iker Casanovak bere jarrera kritikatu du, EAJk eta PSEk herrietan ahalbideratzen ari direlako merkatal gune handien hedapena (Garbera, Zaldunborda…).

Oiartzungo alkate Jexus Leonet eta EH Bilduko zinegotzi eta batzarkideen ordezkaritza batek bertan jarraitu dute Osoko Bilkurako eztabaida. Hartutako akordioa txalotu dute eta saltoki handien arriskua gertutik bizi duten herrientzat “inflexio puntu bat” dela azpimarratu dute.

Oiartzun, Donostia, Lasarte, Hernani eta Usurbilgo EH Bilduko ordezkariak, Iker Casanova legebiltzarkidearekin egindako agerraldian

Iker Casanovak azaldu duenez, gaur egun legean dauden hutsuneek merkataritza gune handiak neurrigabeki ugaritzeko aukera ematen dute, eta horri amaiera emateko neurri zuzentzaileak hartu behar dira: “Oraingo araudiak ahalbideratzen du saltoki handiak era indiskriminatuan eraikitzea, eta hortik kolatu izan dira hainbat eta hainbat proiektu. Gipuzkoan, adibidez, 200.000 metro koadro gehiago daude aurreikusita”.

Beraz, “ezinbestekoa da legeak irekitako ate hori ixtea, merkatari txikien elkarteek eskatzen duten bezala. Azken urteetan, izugarria izan da saltoki handien eztanda, eta dendari txiki asko ito ditu horrek”.

Casanovak enpleguaren argudioari ere eutsi dio: “Merkatal gune handiek lanpostuak sortu baino gehiago suntsitzen ditu, eta sortzen duten enpleguaren kalitatea eta iraunkortasuna ere ezbaian dago”.

"Aniztasuna, 10 arrazoi eta milaka aukera!" leloarekin, Aniztasun eta Elkarbizitza jaia ospatuko du Fleming herri eskolak Kolore Guztiak elkartearekin elkarlanean.

Aniztasunaren eta Elkarbizitzaren aldeko jai honek ekintza ugari izango ditu eta  Villabonako kaleetan ospatuko da:

- Arratsaldeko, 16:30ean kalejira batek emango dio hasiera jaiari eta bertan Besamotza konpartsako erraldoi eta ipotxak, trikitilariak eta batukada ere izango dira. Kalejira horretan, EH11koloreko "Burubeltz" ardi erraldoiak ere parte hartuko du eta herrialde ezberdinak ordezkatuko dituzten eskolako haurrek landutako oihalak ikusi ahal izango dira.

Ondoren, herriko hainbat plazetan herrialde ezberdinetako dantzak izango dira, afrikarrak, amerikarrak, europarrak,… Perkusio tailerra ere izango da txalaparta edo danborrekin aritzeko aukera paregabea.

Ondoren, haurrentzat sentsibilizazio jolasak eta tailerrak izango dira: sokatira, bolo jokoak, diana, kamisetak egitea, hennaz eskuak margotzea, izenak arabiarrez idaztea etab.

Fleming Herri Eskolan, beste eskoletan bezalaxe, familiak jatorri eta kultura anitzekoak dira eta aniztasun horrek duen balore positiboa defendatu eta agerian utzi nahi du Amasa Villabonako eskola publikoak. Era berean, eskolan ikasle guztiak, desberdinketarik gabe, euskaraz hezten dira eta urtez urte eskolan etorkinak euskalduntzeko lana ere aldarrikatu nahi du Flemingo komunitateak. Antolatzaileen esanetan, gure hizkuntza da, beste elementu batzuekin batera, jatorri ezberdineko haurren integraziorako ezinbesteko giltza.

Jaialdi berezi honen bidez, herritar ezberdinen arteko elkar ezagutza, elkarlana eta aniztasunaren balioak bultzatu nahi ditu Fleming herri eskolak eta Amasa- Villabonako herritar guztiak gonbidatzen dituzte jaian parte hartzera.

EGITARAUA

16:30. Kolore kalejira (Arroatik): Erraldoi eta buruhandiak, EH11koloreko Burubeltz eta erraldoiak, Batukada, trikitilariak, Txalapartariak… Dantzak: Nigeriarrak, Brasildarrak, Nikaraguarrak,...

17:30. Sentsibilizazio jolasak (Errebote plazan): lortu zigiluak jolasetan zure pasaporterako. Sokatira, bolo jokoak, diana... Tailerrak: Kamisetak, hena, izenak arabiarrez... Janari dastaketa: afrikarra, brasildarra,...

Flemig Herri Eskolak argitaratu eta zabaldu duen kartela

Pasa den ostiral eguerdian Altsasuko gazteen kontrako epaiketaren sententzia ezagutu zen; Auzitegi Nazionalak 13, 12, 9 eta 2 urteko zigorra ezarri die Altsasuko 8 gazteri. Epai hau ezagutu bezain laster, erreakzio andana izan zen eta Euskal Herriko txoko askotan epai guztiz bidegabe eta desproportzionatu honen aukako mezu eta deialdiak zabaldu ziren. 

Amasa Villabona ez zen salbuespena izan eta modu espontaneo batean, 20:00etan Errebote plazan protesta elkarretaratzea egiteko deia zabaldu zen WhatsApp mezuen bidez eta kaleetan jarritako pankarten bidez. Deialdiak arrakasta handia lortu zuen eta jende ugari gerturatu zen udaletxe aurrean egin zen 10 minutuko elkarretaratzera.

"Altsasukoak Aske!" lemapean, amasa billabonatarrok ere elkartasun mezua bidali genion Altasuko herriari eta zigortuak izan diren gazteen senide eta lagunei. EH Bilduko kideak ere bertan izan ginen eta nahiz eta deialdia guk ez antolatu, gure sare sozialetako kontuen bidez zabalpena eman nahi izan genion mobilizazio honi. 

Erosi hemen eta zoaz Parisera kanpaina jarri du martxan Villabonako Oria merkatarien elkarteak eta ekainaren 12an jakinaraziko da saridunaren izena.

Zozketan parte hartzeko, maiatzaren 7tik ekainaren 9ra merkatari elkarteko saltokietan erosketa egiten duenak, dendan bertan txarteltxoa bete beharko du. Parte hartzen duten guztien artean egingo dute zozketa eta Pariserako bidaia eskuratuko du irabazleak. Gainera, bidaian gastatzeko 150 euroko txekea ere emango diote.

Oria merkatari elkarteak jakinarazi duenez, ekainaren 12an, 13:30ean Berdura plazan egingo da zozketa.

Oria Merkatarien elkarteak argitaratutako kartela

Pasa den urteko azaroan Arantza Lopez EH Bilduko Gizarte Zerbitzuetako zinegotzia Astigarragan izan zen Berdintasuna Ehunduz ekimena ezagutzeko asmoz eta Harituz elkarteko bultzatzaileekin harremanetan jarri zen. EH Bilduko udal-taldean honakoa Amasa Villabonan ere garatu zitekeen ekimen eta dinamika oso aproposa eta interesgarria zela baloratu genuen eta 2017ko azaroan Gizarte Zerbitzuetako udal-batzodean proposatzea erabaki genuen. 

Proposamen horrek fruituak eman ditu eta azkenik, Astigarragako Harituz elkarteak sustatutako Berdintasuna Ehunduz egitasmora batu dira Amasa Villabonako alderdi politiko guztiak zein herriko hainbat eragile. Aurtengo azaroaren 25aren bueltan (Emakumeen kontrako indarekeriaren aurkako nazioarteko eguna) ekimen beteratuak burutuko dira gure herrian.

Astigarragan sortu zen egitasmoa 2014an eta lau urteotan 40 herri eta herrialde baino gehiagotako hainbat emakumek lau kilometro baino gehiagoko begizta kolektiboa ehundu dute. "Topaketa bakoitzean sendotu egin da indarkeriaren aurkako borroka", esan du Isabel Otero, Astigarragako berdintasunaren aldeko gizon eta emakumeen eskolako kideak.

Gainera, lau urte hauetan sortutako begiztak Espainiako estatuko hainbat autonomia erkidegotan eta munduan zehar bidaiatu du. Egun, zati bat, Suedian dago, esate baterako. Herrialde askotako elkarte eta kolektiboen parte hartzeari esker osatu da beraz.

Iazko azaroan, esate baterako, ATLCR (Tunezeko Arrisku Jarreren Kontrako Elkartearen) bisita jaso zuten Astigarragan eta indarkeria matxistaren aurkako ekitaldietan parte hartu zuten. Orain, Euskal Herrian zabaldu nahi dute Indarkeria sexistaren aurkako matazak izeneko kanpaina, eta esan bezala, Amasa Villabonak ere parte hartuko du ekimenean.

Udaleko alderdi politikoetako eta herriko hainbat eragiletako ordezkariak, Berdintasuna Ehunduz ekimenaren aurkezpenean

Aurtengo azaroaren 25ari begira, oraingoz ezer lotuta ez badago ere, Amasa Villabonan ere mataza horiek ehundu nahi ditugu eta herriko eragileen parte hartzea bilatuko da. Dagoeneko herriko ikastetxeek badute ekimen honen berri eta ikasturte hasieran gaia landuko dute. Azaroaren 17tik 25era, Olaederra kiroldegiak eta Santiago egoitzak ere parte hartuko dute ekimenean eta aste horretan, herriko merkatariei gai horrekin lotuta erakusleihoak apaintzea proposatuko zaie.

Udal langileei bere oihala ehuntzeko proposamena egin eta udaletxeko balkoitik zintzilikatzeko gonbita luzatu zaie. 

Tolosaldeko Galtzaundi euskara elkarteak igande honetan ospatuko den Herri Urratsera, Lapurdi, Baxe Nafarroa eta Zuberoako ikastolen festara, autobusa antolatu du eta Amasa Villabonan ere geldialdia izango du. Autobusa goizeko 9:50etan abiatuko da Olaederra Kiroldegiko geltokitik eta Senperera joan etorria 11 euro (Atarikide edo Galtzaundikideek 9 euro) kostako da.

Aste honetan zehar autobuseko zerrendan izena emateko aukera izango da Zubimusu Iikastolako zentroko eraikinean. 

Amasa Villabonako EH Bildutik Herri Urrats jaialdira joateko deia luzatu nahi diegu herritar guztiei. Izan ere, oraindik orain Seaska-ko ikastolak dira ipar Euskal Herrian euskarazko irakaskuntza eta euskararen ezagutza bermatzen duten hezkuntza erakunde bakarrak eta ondorioz, ikastola hauek egiten duten lana ezinbestekoa da gure hizkuntzaren biziraupenarentzat. Gainera, azken asteetan irakasle berririk ez jartzeko frantziar Hezkuntza Ministerioak hartutako erabakia dela eta, Seaskak protesta egitera behartua ikusi du bere burua. Pasa den asteburuan manifestazio jendetsua egin zen Baionako karriketan «Kasu! Ikastolak kexu!» lemapean. Seaskaren deialdiak jendartearen erantzun zabala izan zuen, manifestazioan 7.000 lagun inguru bildu zirelarik.

Manifestazio burua Baionan

EH Bilduk, noski, bat egiten du Seaskak egin duen salaketarekin, guztiz gaitzesgarria baita ikastoletan irakasleak behar izatea eta frantziar estatuko hezkuntza ministerioak irakasle berriei ateak istea. Ondorioz, Herri Urratsera joatea beti beharrezkoa izan bada ere, aurtengoan bereziki garrantzitsua izango da Senperera bertaratzea, horixe izango baita Seaskari gure babes osoa duela adierazteko modurik eraginkorrena. Beraz, anima zaitezte igandean Herri Urratsera!

Larunbat iluntzean, buzo zuriz mozorrotutako jende talde batek Gipuzkoako Foru Aldundiaren jauregi inguruetan pankartak eskegi zituzten Zubietako erraustegiaren obrak salatuz eta agintariei kontratua erakusteko eskatuz.

Donostiako erdi gunean Bizitza Da Handiena ekimena (Munduko Turismo Erakundeak bertan egin duen biltzarra bitartean hiriburuaren turistifikazio gehiegizkoa salatu duena) bere azken txanpan sartua zenean burutu zuten salaketa ekimen hau, egitarauan aurreikusi gabe zegoena. Gipuzkoa Zutik taldeak bere gain hartu zuen ekintza honetan jende talde batek pankartan zintzilikatu zituzten Gipuzkoako Foru Aldundiaren egoitzaren atarian (Gipuzkoa plazan). Zaharberritze lanetan dagoen eraikinaren aurrean "Ustelak, erakutsi kontratua" eta Zubietako erraustegia salatzen zuten beste mezuak zeuzkaten idatzirik.

Gipuzkoa Zutik-ekoek Foru Aldundiaren egoitzan zintzilikatutako pankartetako bat

Mikel Otero EH Bilduko legebiltzarkideak ohartarazi du Auzitegi Konstituzionalak fracking-aren aurkako euskal legearen efektuak murriztu dituela eta, horren aurrean, ezinbestekotzat jo du Jaurlaritzak eskura dituen baliabide guztiak erabil ditzala haustura hidraulikoaren teknikaren kontra.

Fracking-aren aurkako euskal legearen eragina mugatzen duen Auzitegi Konstituzionalaren epaia efektu praktikorik gabe uztea helburu, EH Bilduk erabateko adostasuna lortu du gaur Legebiltzarrean. Mikel Oteroren proposamena aintzat hartuta, Gasteizko Parlamentuak haustura hidraulikoaren aurkako konpromisoa berretsi eta aho batez eskatu dio Jaurlaritzari bere esku dauden baliabide guztiak erabil ditzala Araban, Bizkaian eta Gipuzkoan fracking-a ez dela erabiliko bermatzeko.

Mikel Otero legebiltzarkidea EH Bilduren proposamena aurkezten

Zentzu horretan, Legebiltzarrak Lakuari galdegin dio ekin diezaiola akuiferoen zaurgarritasun-maparen eguneratzeari eta optimizatzeari, horrela era eraginkorragoan lagunduko baita lurpeko ur-masak hobetzen eta babesten. Izan ere, Oterok ohartarazi du Konstituzionalaren epaiak bereziki akuiferoak babesgabeturik utzi dituela.

EH Bilduko legebiltzarkideak salatu du Konstituzionalak beste urrats bat eman duela Estatuaren birzentralizazio prozesuan, oraingoan ingurumenaren babes arloan EAEk dituen eskumenak urratuz. Horren haritik, Legebiltzarrak erabateko desadostasuna adierazi du Konstituzionalaren ebazpenarekiko, eta Gobernu espainolari eskatu dio hidrokarburoen ustiaketaren arloko araudi estatala aldatzeko, hidrokarburoen esplorazioan edo esplotazioan haustura hidraulikoaren teknika debekatze aldera.

PNVk Bilbon daukan egoitza ezagunaren aurrean bildu dira, protestan, AHT Gelditu Elkarlana, Etxeko Langileen Bizkaiko Elkartea, Berri-Otxoak eta Kakitzat Koordinadora Anti-Militarista.

Espainiako aurrekontuak onartzeko PNVk emandako babesa kritikatu dute kolektiboek, eta honek gastu sozialen murrizketa eta gastu militarren igoera dakartzala salatu. Kolektiboek adierazi dutenez, asteazkenean onartutako aurrekontuetan %7 igotzen da Defentsa Ministeriora bideratutako aurrekontua. “Honi gehitu behar zaio ‘Defentsa Materian Ziklo Berri Inbertitzailea’ programaren bidez aditzera emandako BPGren %2 arteko gastu militarraren igoera: honen lehen faseak armamentu erosketarako zazpi programa barne hartzen ditu, 11.000 milioi euroko balioagatik”, gehitu dute.

Protesta ekimen ikusgarria egin dute hainbat eragilek, gerrak hildako pertsonak irudikatuz

Azpiegitura handietan egiten den errekurtso publikoen xahutzea salatzeko ere baliatu dute protesta. Eman dituzten datuen arabera, AHTren obretarako Lakuako Gobernuak esleitutako 156,2 milioi euroei diru publikotik bideratutako beste 299 milioi euro gehitu behar zaie.

Ikusgarritasun Lesbikoaren Nazioarteko Egunaren harira, artikulu hau argitaratu dute Natalia Gardezabal, Izaskun Duque eta Monika Plazaola EH Bilduko kideek:

LESBIANAS, ¡PRESENTES!

Recientemente han asesinado a las activistas lesbianas y feministas Marielle Franco y Kleo Hernández Flores, en Brasil y México respectivamente. La noticia ha saltado en nuestros medios invisibilizando, una vez más, que eran lesbianas.

El patriarcado criminal tiene cada vez más miedo porque cada vez somos más, estamos más unidas, somos más fuertes, por eso actúa con mayor violencia. Esta se comete, además, de manera más intensa contra aquellas que con sus cuerpos, sus deseos, su libertad, ponen en cuestión la heteronormatividad que se impone como eje de control y sometimiento. El estigma, el rechazo, el odio contra las lesbianas, contra las mujeres que desean y aman a mujeres, es tal que conlleva en determinados contextos una violencia muy extrema, llegando al asesinato.

Marielle, Kleo y tantas otras antes de ellas han sido asesinadas por ser lesbianas. En Euskal Herria muchas lesbianas también sufren violencia y muchas de ellas que son activistas sufren insultos, acoso, amenazas, últimamente de manera especial gracias al amparo que da el anonimato de las redes sociales.

Acercándonos al día Internacional de la Visibilidad Lésbica queremos denunciar el acoso y la violencia que sufren muchas activistas por su condición de lesbianas y feministas tanto a nivel internacional como en Euskal Herria. Durante todos estos años son muchas las que han sido y son compañeras lesbianas de lucha, nombrarlas a todas sería imposible; hacemos, desde aquí, un reconocimiento colectivo del aporte que tantas lesbianas han hecho al feminismo y a tantas luchas por la emancipación social y política de nuestro pueblo; durante mucho tiempo han sido invisibilizadas e incluso rechazadas.

Las lesbianas han realizado aportes inestimables a las teorías feministas y LGTBIQ+; gracias a ellas se puso en cuestión la norma heterosexual como eje fundamental del patriarcado y se planteó la necesidad de repensar como construcción cultural no sólo el genero sino también el sexo. Igualmente, han estado en primera línea de muchas luchas en las calles, demostrando gran solidaridad, por ejemplo en las luchas de las feministas heterosexuales por el derecho al aborto o el divorcio. Y hasta el día de hoy siguen aportando y formando parte de la lucha por la soberanía de nuestro pueblo.

Por lo tanto, cuando hablemos de la necesidad de democratizar nuestra sociedad no podemos olvidar que, además de la redistribución del capital económico, tenemos que redistribuir también el cultural y el simbólico; porque es flagrantemente evidente que no se trata solo de que muchas lesbianas sean pobres, de que no estemos representadas, de que no aparezcamos en ningún relato, de que no seamos visibles, se trata de que para esta sociedad heteropatriarcal las lesbianas simplemente no existen.

Son muy escasos los referentes de lesbianas en el espacio público, lo que dificulta el desarrollo libre de nuestras sexualidades así como adquirir confianza y aumentar la autoestima, pasos necesarios para empoderarnos e incidir políticamente. También necesitamos referentes para poder gestionar la diversidad y disfrutarla, para darnos cuenta de que hay tantas maneras de ser lesbiana como lesbianas hay en el mundo. Lejos de estereotipos, ideas preconcebidas, prejuicios, porque la complejidad de la propia realidad la hace enormemente más interesante.

La visibilidad es un acto político. Frente a quienes piensan que nuestra sexualidad tenemos que circunscribirla exclusivamente al espacio privado, nosotras queremos hacer realidad el dictum de Kate Millet : lo personal es político; porque la política atraviesa nuestros cuerpos, nuestros cuerpos que son el campo de batalla en el que hacer frente a este mundo heteropatriarcal, racista y capitalista para traspasar las fronteras del miedo y la opresión y habitar la libertad.

Somos lesbianas, somos políticas, somos lesbianas políticas porque creemos que transformar esta sociedad es absolutamente necesario y esto pasa por la lucha política. Una lucha política por una democracia real, donde haya justicia e igualdad, y se respeten todos los derechos humanos, donde haya condiciones para que la vida de todas, también la de las lesbianas, sea digna. Es el único camino para seguir avanzando en la construcción de la Euskal Herria que queremos, soberana, libre y feminista.

Urtero bezala, Behar Zana elkarteak urteurren festa osapatuko du ekainaren lehen asteburuan eta aurten ere ez dira ekitaldiak faltako: Sagardo dastaketa, espezialitate ezberdinetako pilota partiduak, afaria, tanborrada... Herriko elkarterik beteranoena dugu Behar Zana, eta oraindik bizi-bizirik aurkitzen dela erakusten du. Zorionak Behar Zana! eta elkarteko kide guztiei! ondo pasa!
EGITARAUA:

Maiatzak 31, osteguna

Pilota solasaldia Gurea antzokian

Moderatzailea: Jon Eskudero. Pilotariak: Patri Espinar,
Maider Mendizabal, Joxi Lopetegi, Aitor Zubieta eta Xabier Tolosa

Ekainak 1, ostirala

17:00 Txupinazoa (Bolatokian)

17:30 Bola Tiraldia (Ume eta Helduentzat)

18:00 Sagardo dastaketa bolatokian (eguraldi txarra eginez gero Berdurako plazan egingo da). Buruhandi eta Erraldoiak. Herriko kaleetatik Loatzo musika eskolako Geronimo Dultzaina Taldearen eskutik.

Ekainak 2, larunbata

10:00 VII. Xake Txapelketa (egoitzan)

Pelota eskolako haurren txapelketa finalak

13:00 Pilota Eskolako haurren eta pilotarien bazkaria Behar Zana Elkartean

16:00 Pilota jaialdia:

1) Joko garbi partida: Behar Zanako pilotarien erakustaldia

2) Kirol egokitua: Gurpil Aulkidunen paleta: Jesus Matarranz–Beñat Lizaso & Asier Navaridas-Joseba Lasa

3) Emakumeen pala goma: Anne Maiza-Irati Otaegi & Janire San Sebastian-Itxaso Erasun

4) Eskuz binaka nagusiak: Lizaso-Urbieta & Otaño - Esnaola

19:00 Meza hildako bazkideen omenez

20:15 Bazkideen afaria

23:15 Behar Zana Danborrada

Ekainak 3, gaindea

09:00 Diana Loatzo Musika eskolako Geronimo Dultzanaina Taldearen eskutik. 11:00 Errebote partidua
14:30 Gonbidatuen Bazkaria (Elkartean)

Pasa den astelehenean Tolosako udaletxe plazan elkartu ziren Tolosaldeko pentsiodunak. Beste behin ere, 1.080 euroko gutxieneko pentsioa ezartzea izan zen egin zuten eskaera nagusietakoa, PPren espainiar gobernuak ezarritako %0,25eko igoera lotsagarria salatzearekin batera. 

Beste duintasun erakustaldi bat eman zuten gure pentsiodunek. Eta asko dira dagoeneko. Pentsio justu eta duinaren alde lelopean, ehunka izan ziren Tolosako kaleetara irten diren pentsiodunak, Harizpe, Iturritza, Beti Gazteak eta Bizi Nahi jubilatuen elkarteek eta Duintasuna plataformak deituta, pentsio duinak eskatzeko asmoz. Amasa Villabonatik ere pentsiodun ugari gerturatu ziren mobilizazio honetara. 

Elkarretaratzea eta manifestazioa egin zituzten, eta amaieran helburuak lortzeko bidean hainbat albiste positibo izan direla nabarmendu zuten.

Alde batetik, azaldu zuten Espainia mailako sindikatu eta pentsiodunen hainbat elkartek, auzitara eraman dutela Espainiako Gobernuaren azken proposamena. Bada, Estrasburgoko auzitegiak tramitera onartu du helegitea eta Tolosan bildutakoek erabaki hori txalotu zuten.

Bestalde, jubilatu elkarteen eta hainbat plataformaren arteko batasuna goraipatu zuten, desberdintasun ideologikoen gainetik, guztien interesak lehenetsi izanagatik. Hain zuzen, beste bi manifestazio garrantzitsu burutuko direla aurreratu zuten, maiatzaren 5ean eta 26an, Donostian. "Eragile guztiok batera antolatu ditugu mobilizazioak, eta hori oso garrantzitsua da" azaldu zuten.

Tolosan egindako manifestazioaren aurrealdea

Eskualde mailan ere konpromiso horri eusten diotela gaineratu zuten. Uneotan elkarlanean ari dira Tolosan eta Ibarran. Maiatzean Amasa-Villabonara zabalduko dute dinamika, eta uda ostean, eskualde osora. "Pankarta sinatu dugun elkarte guztiak elkarlanean aritzeko borondatea dugu, eta horrela jarraituko dugu. Pentsaera ezberdina dugu guztiok, baina gauza bera nahi dugu, eta horrela lortuko dugu".

Bien bitartean, bi astez behin, astelehenetan kaleak duintasunez betetzen jarraituko dute pentsiodunek. Hurrengo hitzordua maiatzaren 7rako jarri dute: Tolosako Plaza Zaharrean, 12:00etan.

Amasa Villabonako EH Bildutik, gure eskualdeko pentsiodunek erakutsi duten sendotasuna eta duintasuna goraipatu nahi dugu eta mobilizazio hauetan egin dituzten aldarrikapen guztiak, guzti-guztiak, geure egiten ditugula adierazten dugu. Urteak dira EH Bilduk 1.080 euroko gutxieneko pentsioak izateko proposamenak aurkeztu zituela, eta ez dugu etsiko lortu arte, pentsiodunekin eskuz esku jardungo dugu, baina afera honek gizarte osoari eragiten dio. Izan ere pentsio publikoak izatea giza eskubide bat da eta ezin dugu onartu pentsio publikoak jasotzen dituzten pertsonak pobreziaren mugaren azpitik egotea. Beraz, funtsezkoa da Europako Kartak adierazten duen bezalaxe, Euskal Herrian gutxieneko pentsioak 1.080 eurokoak izatea.

Badakigu espainiar gobernuari eskaera hauek egitea alferrikakoa dela eta horregatik gizarte segurantzaren transferentzia EAEra ekartzeko aldarrikapenarekin bat egiten dugu. Baina bitartean Eusko Jaurlaritzak pentsio baxuenak osatu edo konplementatu ditzake eta guk horixe egitea ekatzen diegu PNV eta PSEri, dena Madrilen esku dagoela esateak eta aitzakiak jartzeak ez du balio, Eusko Jaurlaritzan borondaterik balego, bihar bertan lortu daiteke gutxieneko pentsioak 1.080 eurokoak izatea. Zoritxarrez ordea PNV eta PSEko agintariek beste lehentasun batzuk dituztela ikusten dugu, AHTa, Erraustegia, Donostiako Metroa... dira beren lahentasunak, egiten dituzten marketing kanpaina instituzionaletan kontrakoa esaten badute ere, PNV eta PSErentzat porlana, azpiegitura handiak eta eraikuntza enpresen negozioak dira erdigunean daudenak, ez pertsonak. Batzuek aurpegi galanta dutela ikusten ari gara, manifestazioetan protestatzen ari diren pentsiodunen ondoan jarri, argazkian atera, entzun nahi dutena esan, eta ondoren, ez dute ezertxo ere egiteko borondaterik euskal pentsiodunen egoera hobetzeko.