Iraitz Arrospide korrikalari billabonatarrak garaipena lortu zuen atzo, 50 kilometroko munduko txapelketan. Distantzia horretan lehiatzen zen lehen aldia zuen Arrospidek, eta garaipen handia lortu du. Errumaniako Braslov hirian, 2:47:43 denbora eginez helmugaratu da billabonatarra.

Azken itzulian lortu du garaipena Iraitz Arrospidek; Craig Hunt estatubatuarra, Lungile Gongqa hegoafrikarra eta Daniel Nash britaniarra mendean hartuz. Distantzia honetako estatuko errekor berria ere jarri du Arrospidek. Aurrez Asier Cuevasek zuen denbora ia 10 minutuan hobetuta. Munduko txapelketara abiatu aurretik,denbora ona lortzea baino, postua lehiatzeko nahia zuela adierazi zuen Arrospidek. Bi helburuak ondo baino hobeto lortu ditu Sheffield-en bizi den billabonatarrak. Jarraian Euskadi Irratiko elkarrizketa.

Iraitzek bere helburuak lortzeko erakutsitako determinazio berarekin  Euskal Selekzioen ofizialtasunaren aldeko lanak aurrera darrai. Zentzu horretan ezin ahantzi dezakegu datorren urriaren 13an San Mamesen jokatuko den Euskal Selekzioaren eta Argentinaren arteko futbol partida. FIFA egutegian jokatuko den norgehiagokak inflexio puntu izan nahi du gure selekzioen ofizialtasunaren bidean. EH Bildutik bertara joateko deia gure egiten dugu.