Udala inoiz egin den herritarren parte hartze zuzenaren inguruko ariketa garrantzitsuena martxan jartzen ari den honetan, EAJren ekarpen bakarra komunikabideetan argitaratutako kritikaz jositako oharra izan da. Herri gisa erronka paregabea dugu aurrean eta EAJk guztia lokaztu eta desitxuratu nahi izatea, tamalgarria iruditzen zaigu. Bakoitzak ikusiko du zein den herri honi egin nahi dion ekarpena, baina gu ez gara joko horretan sartuko, gure indar eta gogo guztiak herri galdeketa prozesua ondo garatzera eta herritarren ekarpenak biltzera bideratu nahi ditugu eta.

Jeltzaleek zabaldutako oharrean, besteak beste, udalak egindako batzar irekietara herriko elkarte batzuk ez gonbidatu izana salatzen da eta jarraian, alderdi politikoak ere ez gonbidatzea leporatzen zaio udal gobernuari.

Honakoak gezurrak direla salatu beharrean aurkitzen gara. Parte hartze prozesua azaltzeko egindako bi batzar irekietarako gonbidapena guztiei helarazteko, udalean dagoen herriko elkarteen zerrenda erabili da. Tartean daude EAJk aipatzen dituen hiru elkarteetatik bi. Egia da, Odol Emaileen elkarteari ez zitzaiola mezua bidali, ez baitaude inskribatuak zerrenda horretan. Bestalde, udaleko parte hartze batzordeko partaide diren EAJ eta PSEko ordezkariei ere mezua igorri zitzaien batzar irekian parte hartzeko gonbidapena eginez eta dokumentazioa bidaliz. Gainera, batzar hauetako deialdiaren berri eman zen udal web orrian, sare sozialetan eta eskualdeko komunikabideetan. Udal ordezkari izanik norberaren e-maila, udaleko web orria edota komunikabideak begiratu ere egiten ez badituzte, ez da gure ardura, eta ordezkari hauen interes falta kezkagarria geratzen da agerian.

Aipatzekoa da prozesu hau lantzeko egin zen herritarren parte hartze batzordeko bileran EAJko ordezkariari telefonoz deitu behar izan zitzaiola ez zelako bilerara agertzen, bere erantzuna ahaztu egin zitzaiola izan zela eta pixka bat itxoiteko etorri arte. Nola ez, itxaron egin genion, prozesu honetan denok beharrezkoak garelako.

EAJri informazioa kontrastatu dezala eskatu nahi genioke eta ez ditzala herriko elkarteak oposizioa egiteko arma politiko moduan erabili.

EAJren oharrean hau irakurri dugu: "Alkatetzak ez ofizialki adierazten du 2 edo 3 proposamen baino ez direla sartuko". Baieztapen honek zur eta lur utzi gaitu, EAJko norbaiten imajinazioak asmatutakoa baita. Noiz esan ditu EH Bilduko zinegotzi batek edo alkateak hitz horiek? Zertara dator asmakizun hau? Parte hartze prozesuaren garapenak berak erakutsiko du hori ez dela egia.

"Bilduk dagoeneko iragarri du prentsan herritarren proposamen horietako baten xedea: Larreako parke estalia... herritarrek erabaki baino lehen udal gobernuak erabaki!" dio EAJk.

Azal dezagun gaia: Larreako parkea estaltzearena EH Bilduren udal programako proiektu nagusietako bat zen. Beraz, hauteskundeen ondoren udal gobernua eskuratuta, proiektua gauzatzea (jendeari emandako hitza betetzea) bidezkoa dela ulertzen dugu. Galdeketa batek sinesgarritasuna izan dezan, aurretik egindako galdeketen emaitzak errespetatu eta bete egin behar direla uste dugu.

Jeltzaleen oharrean Beatriz Unzue batzarrean egon ez izana salatzen da. Alkatea une horretan Tolosaldea Garatzen erakundearen batzarrean zegoen gure udalaren ordezkari gisa lan egiten. Galdetzea besterik ez zuten, publikoki alkateari kritika merke hori egin baino lehen.

EAJren oposizioa egiteko modu honek elkarlanerako aukerak mugatzera eta ezer onik ez dakarren etengabeko tirabira zein liskarrera garamatza, herritarren aurrean ikuskizun penagarria eskainiz. Soluzioak eskaini beharrean, arazo sortzaile izatea, tristea litzateke.

EH Bildutik jarrera hau alde batera uztera gonbidatu nahi ditugu udalean bidelagun ditugun EAJko kideak. Udal gobernuko jardunean zer hobetu asko dugu, kritika egitea normala eta zilegi da, baina ez dugu jarrera eraikitzailea duen oposizioa ikusten eta horrek ez du laguntzen herritarrentzat lan hobea egiten. Oraingoz, zoritxarrez, horma zurrun, itxi eta erasokor batekin egin dugu topo, oraindik batzuk udal hauteskundeen emaitzak barneratu ezinik dabiltzala erakusten duen horma.

EN CASTELLANO:

En respuesta a las críticas del PNV de Villabona

En el momento en que el Ayuntamiento está poniendo en marcha el ejercicio más importante de participación ciudadana directa que se ha hecho nunca, la única aportación del PNV ha sido una nota plagada de críticas publicada en los medios de comunicación. Como pueblo afrontamos un reto importante e ilusionante y el hecho de que el PNV quiera embarrar e intentar desfigurarlo, resulta lamentable. Cada cual verá cuál es la aportación que quiere hacer a este pueblo, pero nosotras queremos dedicar todas nuestras fuerzas y ganas al buen desarrollo del proceso de participación y consulta popular.

En la nota difundida por los jeltzales se denuncia, entre otras cosas, la no invitación de algunas asociaciones a las asambleas abiertas celebradas por el ayuntamiento y a continuación se acusa al gobierno municipal de tampoco invitar a ningún partido político.

Tenemos que denunciar que esto es falso. Para hacer llegar la invitación de las dos asambleas abiertas celebradas para explicar el proceso participativo, se ha utilizado el listado de asociaciones locales que existe en el Ayuntamiento. Ahí se encuentran dos de las tres asociaciones a las que se refiere el PNV. Es cierto que no se envió el mensaje a la Asociación de Donantes de Sangre porque no están inscritos en esa lista. Por otra parte, también se envió un mensaje a los representantes de PNV y PSE que participan en la comisión de participación, invitándolas a participar en la asamblea abierta y se les envió toda la documentación. Además, se informó de la convocatoria en la página web municipal, en las redes sociales y en los medios de comunicación de la comarca. Si como representantes municipales no revisan ni su propio e-mail, ni la página web municipal, ni los medios de comunicación, no es nuestra responsabilidad, y queda en evidencia su preocupante falta de interés como representantes políticos.

Cabe señalar que en la reunión de la comisión de participación ciudadana que se celebró para tratar este proceso, se tuvo que llamar por teléfono a la representante del PNV porque no acudía a la reunión, su respuesta fue que se le había olvidado y que esperásemos un poco. Cómo no, la esperamos, porque en este proceso todas somos necesarias.

Quisiéramos pedir al PNV que contraste la información y que no intente utilizar a las asociaciones del pueblo como arma política para hacer oposición.

En la nota del PNV leemos lo siguiente "la Alcaldía declara no oficialmente que sólo se incluirán 2 o 3 propuestas". Esta afirmación nos ha dejado perplejos porque simplemente es una invención. ¿Cuándo ha dicho eso un concejal de EH Bildu o la alcaldesa? ¿A qué viene este invento? El propio desarrollo del proceso participativo demostrará que no es cierto.

"Bildu ya ha anunciado en la prensa el objeto de una de esas propuestas ciudadanas: el parque cubierto de Larrea... ¡antes de que los ciudadanos decide el gobierno municipal!" Afirma y critica el PNV.

Expliquemos el tema: el de cubrir el parque de Larrea era uno de los principales proyectos recogidos en programa municipal de EH Bildu. Por lo tanto, una vez obtenido el gobierno municipal, entendemos que es justo llevar a cabo el proyecto, cumpliendo con la palabra dada a la gente. Para que una consulta tenga credibilidad, creemos que los resultados de las consultas previas deben ser respetados y cumplidos.

El PNV denuncia la ausencia de Beatriz Unzue en la asamblea pública. La alcaldesa estaba en ese momento en una reunión de Tolosaldea Garatzen trabajando en representación de nuestro ayuntamiento. Sólo tenían que preguntar, antes de hacer públicamente esa crítica tan barata y fuera de lugar.

Esta forma de hacer oposición del PNV, nos conduce, muy a nuestro pesar, a limitar las posibilidades de colaboración y a un continuo enfrentamiento y rifirrafe que no aporta nada bueno, ofreciendo un espectáculo lamentable ante la ciudadanía.

Desde EH Bildu queremos invitar a los concejales del PNV que nos acompañan en el ayuntamiento, a abandonar esta postura. Tenemos mucho que mejorar en la actuación del gobierno, criticar es totalmente normal y legítimo, pero no vemos una oposición con una actitud constructiva y eso no ayuda a hacer un trabajo mejor para la gente de Amasa-Villabona. De momento, por desgracia, nos hemos topado con un muro rígido, cerrado y agresivo que demuestra que todavía a algunos les cuesta más de lo debido asimilar los resultados de las últimas elecciones municipales.

Pasa den ostiral eguerdian, herritarren arreta zerbitzu berria eskaintzeko udal-bulego berria inauguratu zen. Astelehenetik aurrera udalean zerbait egiteko udaletxeko behe solairuan dagoen bulego berri horretara jo beharko da eta bertan behar den informazioa eskainiko da. Inaugunazio ekitaldian Maite Izagirre alkatearekin batera, Imanol Lasa Gipuzkoako Foru Aldundiko ordezkaria izan zen eta Villabonak bulego hau izateko egindako lana eta "udalak administrazioaren modernizazioarekin duen konpromisoa" goraipatu zuten biek. Ivan Agirre alkate ohia izan zen Herritarren Arreta Zerbitzua martxan jartzeko erabakia hartu eta konbentzimendu guztiarekin aurrera egin zuena, horregatik aipamen bat merezi duela uste dugu eta inaugurazio ekitaldian ez ikusteak harritu egin gintuen. Udaleko langileak, EH Bilduko udal taldeko zinegotziak eta herritar batzuk ere izan ziren inaugurazio ekitaldi horretan. Bulegoak itxura aldetik oso dotore geratu dira Villabona eta Amasako argazki zaharrekin apaindurik.  

Bulego berriko sarrera, udaletxeko behe solairuan

Proiektuak gure babes osoa du
EH Bilduk egitasmo hau babestu du, udalak herritarrei eskaini ahal izango dien arreta hobetzeko baliagarria izango dela uste dugulako. Herritarrek udalean egin beharreko gestioak bulego bakar batean zentralizatzeak, arretaren kalitatea hobetzea ekarri behar luke, jendeak udaletxean gora eta behera ibili beharrik gabe, herritarren beharrei erantzun azkarragoa emanez. Espero dugu teoriatik harago, eguneroko errealitatean Herritarren Arreta Zerbitzu berri honek hobekuntza horiek ekartzea.

Hau esanda, uste dugu proiektu honen inguruko zenbait gertaera gogoratzea komeni dela:

Atzerapen nabarmena pilatu du
Proiektu hau, legealdia hasi eta berehala, 2015. urtean, Ivan Agirre alkatearen iniziatibaz jarri zen martxan. Gure ustez, bulego hau martxan jartzeko bi urte oso osorik behar izatea oso poliki edo mantso aritzea da, baina tira, hobe berandu, inoiz ez egitea baino.
Honako hau, legealdi honetan PNVren gobernuak izan duen iniziatiba garrantzitsu edo aipagarri bakarra izan da eta hori ere atzerapenarekin egiteak, egungo udal agintariek duten eraginkortasun falta agerian uzten du.

Udala atzean gelditzen ari da administrazioaren digitalizazioan
Gai honekin lotura argia izanik, teknologia berrien erabilera eta administrazioaren digitalizazio prozesua aipatu behar dira derrigor, eta arlo horietan Villabonako udala atzean geratzen ari dela ikusten ari gara. Gaur egun dauden baliabide teknologikoekin, udalean ohikoenak diren tramiteak (errolda agiriak, multak ordaintzea, udalari eskaerak egitea, kexak tramitatzea...) internet bidez egiteko aukera dago, aipatutako tramiteak bakoitzak bere etxetik edo mugikorretik egin ditzakeelarik. Udala zabalik dagoen ordutegia goizekoa izanik, honek herritar askori lagunduko lioke. Egungo udal gobernuak ordea, ez du alor honetan inolako aurrera pausurik eman. 

Zentzu honetan, aipatzekoa da udaleko web orriaren egoera traketsa. Web orri txukun, sinple eta aldi berean erabilgarria izateak asko lagundu dezake aurretik aipatutako tramiteak egiteko garaian. Legealdi honetan ordea, udaleko web orria ez da ezertxo ere aldatu eta guztiz desfasatua geratzen utzi da.

Bulegoetako obrak “a dedo”
Bulego berrien obrak egiteko garaian, udal gobernuak Maite Izagirre alkateak sinatutako dekretu baten bidez bere konfiantzazko arkitekto bat kontratatu zuen, inolako lehiaketarik egin gabe. Bulegoen ezarpenaren proiektuak egiteagatik, 9.200 euro ordaindu zion udalak arkitekto honi. Beranduago, beste alkate-dekretu baten bidez, obren zuzendaritza ere berari eman zitzaion, beste 3.630 euro ordainduz.

Obra garesti xamar irten zaio udalari

Bulegoak eraberritzeko udalak 158.000 euro inguru gastatu behar izan ditu, gure ustez zifra altu xamarra da metro karratu gutxi dituen espazio horretarako.

Bake epaitegira sartzeko zegoen atea estali egin da obra honetan

Zentzurik gabeko gauzak egin dira
Lehen, bake epaitegiko bulegora sartzeko atea udaletxe barruan zegoen, ba obra honekin, ate hori desagertu egin da. Hemendik aurrera Bake epaitegia okupatua dagoenean, libratu arte itxaron behar duen jendeak kale gorrian, udaletxeko arkupeetan egon beharko du zain. Zein zentzu dauka honek?

Batzuk alkatetza galdu izana ez daramate ondo. Beraien lehen hilabeteak ikusi besterik ez dago.

Oraingoan Kale Nagusia arratsaldez (behingoz) oinezkoentzako gune seguruago eta atseginagoa izan dadin udalak hartutako neurriak baliatu nahi izan dituzte, kartel batzuk kalean itsatsiz oposizio arduragabe eta suntsitzailea garatzeko.

Lehenik aipatu behar dugu duela 10 urte baino gehiagotik indarren dagoen trafiko araudia ez dela ezertxo ere aldatu. Zer egin zuen 4 urtetan PNVk indarrean zegoen trafiko araudia betetzeko? Ezertxo ere ez. Errazagoa da arazoei aurre egin eta soluzioak plazaratu ordez beste alde batetara begiratzea, baina hori ez da gure estiloa, gu herriko arazoei irtenbideak bilatzeko gaude, baliagarriak izateko.

Eta bestetik, zaila da hain lerro gutxietan hainbeste gezur esatea:
Inposaketa aipatzen du behin eta berriz PNVk. Gogorarazi behar dugu EH Bilduren hauteskunde programan zera agertzen zela hitzez hitz: "Kale Nagusia arratsaldez oinezkoentzat soilik irekia egongo dela ziurtatzeko neurriak hartuko ditugu". Beraz, PNVrentzat hauteskunde promesak betetzea "inposaketa" litzateke. Benetan tamalgarria.
- "Urtero milaka euroko gastuarekin" dio PNVk. Honakoa gezur galanta da, eta badakite. Zuzenean Maite Izagirre PNVko zinegotziari azaldu zitzaion, sistema berri honek ez zuela inolako kosturik suposatuko. Zero euroko kostua izango duen neurria dela jakinik, zergatik diote gezurra?

- Herritarren eskaera guztiak baztertu izana ere aipatzen du PNVk. Ez dakigu informazio faltagatik den edo nahita egin duten, baina berriro ere gezurra diote. Epearen barruan udalean jasotako baimendu izateko 36 eskaeretatik, 19 onartu ziren eta 17 baztertu. Jarraitutako irizpidea argia izan da: Kale Nagusiko merkataritza edo ostalaritza jarduerarekin lotutako ibilgailuei eman zaie baimena. Esan behar da, bizilagunek ere arratsaldez Kale Nagusira sartzeko aukera izango dutela, beti ere arrazoi justifikatu bategatik eta udaltzaingoari berri emanda.

- "Udaltzaingoak informazio eskasa" omen du. Badirudi PNVkoak ez direla ezertaz enteratzen. Uneoro, hasiera hasieratik udaltzain buruarekin elkarlanean ezarri baita sistema berria.

- Udalak beste sistemak (pibote hidraulikoak eta barrera automatikoak aipatzen dituzte) ez omen ditu aztertu. Beste gezur borobil bat. Udaletik beste motatako sistemak zorrotz aztertu ziren baina orain ezarri dena eraginkorrena eta egokiena dela ondorioztatu zen.

- Bizilagunekin bildu ez izana leporatzen digute. Jakinarazi nahi dugu udala Kale Nagusiko merkatariekin eta ostalariekin bildu zela gabonen aurretik eta udaltzain buruak, alkateak eta alkate ordeak azalpenak eman zizkiela. Noiz bildu da PNV bizilagunekin? Adibidez Erreboteko plaza eraberritu zenean, bizilagunekin bildu al zen PNV? Beraiek sekula egiten ez dutena besteei leporatzea ez da bidezkoa.

- Bide segurtasuna (seguridad vial) aipatzen dute jeltzaleek beren orrian. Kontzeptu hori errepideetarako erabili ohi da, autoen zirkulaziorako. Ez al dira enteratu Kale Nagusia oinezkoen gune gisa ezarri zela aspalditik? Oinezkoen segurtasuna ez al da autoena baino garrantzitsuagoa? Aipamen honek gure herriko PNVren maila eskasa agerian uzten du.

Aipagarriak iruditzen zaizkigun bi kontu:

1- PNVk udaleko baliabideak erabili ditu (udaleko papera eta fotokopiagailuak) bere alderdi jarduerarako. Guztion diruarekin ordaintzen dena, norbere interesetarako erabili dute berriro. Udalari garestiagoa irten zaizkio PNVren kartel hauek, Kale Nagusiko kamera sistema ezartzea baino. Ez ote daukate fotokopiagailurik Batzokian?

2- EH Bilduri behin eta berriro, indarrean dagoen kartelen eta propagandaren araudia ez errespetatzea leporatu eta gero, PNVk kartelak pegatu ezin diren lekuan pegatzen ditu (Kaleko paretetan). Harrigarria. Beraiek ezarritako ordenantzak ere ez dituzte betetzen. Ez daitezela gero etorri, kaleak zikinak eta kartelez beteak daudela eta, ordenantza gogor betearaztea eskatuz.

Herritarren zerbitzura daudela esan eta kontrakoa egiten ari dira; udalean lan egiteko eta batzorde buru izateko aukera eskaini eta ezezkoa erantzun zuten, hasieratik elkarlanerako borondatea baino oposizio suntsitzailea egiteko asmoa agerian utziz. Hori bai, zinegotzi baten dedikazioa eskatzeaz gain (%60an onartu zaiena), matraka ederra eman dute beraien batzorde kide kopuruarekin, zinegotzien dieten igotze bat dakarren neurri bat (batzuen poltsikoen mesederako eta udalaren kalterako).

Eta aurrekontuekin gauza bera irudikatu da. Proposamen batzuk egin, gure aldetik batzuk onartzeko prestutasuna azaldu eta PNVk planteatutako bozketa moduak hauek onartzea ezinezkoa egin zuen. Betiko jarrera, kritika merkea egin ahal izatea, horren lekuko kritikatzeko idatzia alde aurretik prestatua ekarri zutela.

Eta zer esan Legarretako zubiaren inguruan egindakoarekin, joku zikinenaren eredu berriz ere. Zubiaren irekieraren berri emateko, Foru Aldundiko diputatua soilik PNVko zinegotziekin agertu zen komunikabideen aurrean, udalari ezertxo ere jakinarazi gabe. PNVk kontrolatzen dituen instituzio publikoak alderdiaren interesen mesedetara erabiltzeko modu benetan traketsa.
Baino esaten den moduan gezurrak hanka motz, eta EH Bilduri leporatu nahi izan dizkioten gezurrak, benetan norenak diren argi azaldu eta ikusiko dugu luze baino lehen, bai diru xahutzeaz, ezkutuan ibiltzeaz edo diru publikoaren erabilpen zalantzakorraz. Seguru gaude PNV-k badakiela zertaz ari garen, eta herritarrak jakingo dute ere denbora asko pasa baino lehen.

Guk bitartean, gure akatsak barne, herritarrekin batera lanean jarraituko dugu Amasa-Villabona duin eta justuago bat lortzeko helburuarekin, batzuen traba eta oztopoen gainetik.

Astelehen honetako Osoko Bilkuran Amasa-Villabonako udalbatzak aho batez onartu zuen etxegabetzeak saihesteko jarduera protokoloa. EAJko udal gobernuak duela sei hilabete, martxoan, ekin zion Amasa Villabonan etxegabetzeak edo etxe kaleratzeak saihesteko protokoloa osatzeari. EH Bilduko udal taldeak begi onez ikusi zuen asmo hori eta protokoloa osatu eta hobetzeko asmoz hainbat ekarpen egin zizkion hasiera batean udalak aurkeztu zuen txostenari.

EH Bilduko udal taldea harremanetan jarri zen "Stop Desahucios" gizarte eragilearekin eta protokoloa sakon aztertu ondoren, udaleko gizarte zerbitzuen batzordean Aratza Lopez eta Leire Olasagasti EH Bilduko zinegotziek hainbat proposamen egin zituzten. Besteak beste, protokoloak zorraren ordez etxea onartzeko aukera (dación en pago) jasotzea eta EAEn onartutako etxebizitza legeak (Madrilek indargabetuta dauka) gai honi buruz dioena kontuan izatea eskatu zuten EH Bilduko hautetsiek eta bestalde udalak Stop desahucios eragilearekin elkarlanean aritzea (juridikoki jendeari laguntzeko eta bankari presioa eragiteko) ere proposatu zuten. Oraingo honetan, beste gai askotan ez bezala, EAJko gobernuak akordiorako jarrera irekia erakutsi zuen eta EH Bilduk eginiko proposamenak protokoloan jasotzea onartu zuen. PSEko ordezkariak ere bat egin zuen erabaki horrekin.

Oraingo honetan ere, EH Bildu koalizioko udal taldeak oposizio arduratsu eta eraikitzailea egin du eta lan horri esker Amasa Villabonan etxe kaleratzerik egon ez dadin protokolo egoki bat onartu du udalak. Hala ere aipamen kritiko batzuk ere egin nahi ditu EH Bilduk, lehenik eta behin, EAJko udal gobernuak gai honetan ere, erakutsi duen lan egiteko geldotasuna, udal gobernuak berak markatutako epeen arabera protokoloa maiatzeko osoko bilkuran onartu behar zen eta azkenik irailean eta gai-ordenetik kanpo onartu da. Bestalde, udalak martxoan komunikabideetara bidalitako albistean, protokolo hau herriko eragilei aurkeztu eta jendearen ekarpenak jasoko zirela esan zuen, eta zentzu honetan ez da nahikoa lan egin. Batzar ireki soil bat egitea ez da nahikoa, protokoloa herriko eragileei aurkeztu eta beren ekarpenak jaso direla esateko.  

Azkenik, EH Bildutik Amasa-Villabonan etxe kaleratze kasu bakar bat ere ez gertatzeko lan egingo dugula adierazi nahi dugu. Espero dugu protokolo hau martxan jartzeko beharrik ez egotea, baina kasuren bat gertatuko balitz, udalak protokolo hau berehala eta bere indar guztiarekin aplikatzea exijituko dugu. Ez dugu inolaz ere onartuko gure herrian banku batek norbait bere etxetik botatzea eta protokoloa behar bezala aplikatu dadin lan egiteaz gain, etxe kaleratzeak sahiesteko helburuarekin, kalean ere behar den guztia egiteko prest gaude.          

Azken egunotan PNVko Udal Gobernuaren jarduerari dagokionez, bi salaketa publiko egin dira: Lehena, Alkatearen elkarrizketa bat argitaratzeagatik Noticias de Gipuzkoa egunkariari udaleko diru publikotik 1.800 euro ordaindu izana. Biharrena, herrian zehar agertutako kartel batzuen bidez egindako salaketa publikoa da, PNVko zenbait zinegotzik eta hautagai batek (egungo alkatearen anaiak) Malkar plaza azpialdeko aparkalekuak musu truk eta baimenik gabe erabiltzea salatzen delarik.

Akusazio edo salaketa hauen larritasuna ikusirik, Amasa-Villabonako EH Bildutik honakoa adierazi nahi dugu:

1. Elkarrizketaren afera:

Duela egun batzuk, EH Bilduko zinegotzi taldea udalak azken hilabeteetan egindako gastuen fakturak errepasatzen aritu zen eta bertan jasota zegoen gastu berezi batek atentzioa deitu zien: Udalak 1.800€ ordaindu dizkio Noticias de Gipuzkoa egunkariari, Maite Izagirre alkatearen elkarrizketa bat argitaratzeagatik. EH Bilduko hautetsiek udalean faktura egiaztatu zuten eta bai, baieztatu dezakegu hori horrelaxe izan dela.

Ekinbide hau lotsagarria iruditzen zaigu, alkateak bere buruaren propaganda egiteko udalaren diru publikoa erabiltzea onartezina da eta politika egiteko modu tranpatia eta etika gutxikoa islatzen du.

2. Malkar plazako aparkalekuen erabilera irregularra:

Herriko kaleetan agertutako kartelek egindako salaketa larrien harira, EH Bildutik honako argipenak egin nahi genituzke:

1- Udalean ez da inolako erabakirik hartu, udal langileek edo hautetsiek (are gutxiago hautetsien senideek) Malkar plaza azpian, herriarenak diren aparkalekuak erabiltzeko baimena izatearen inguruan.
2- Aparkaleku horiek guztiak jabetzan daude, ez dago bakar bat ere alokatuta.
3- Aparkalekuak erosita dituztenen artean, ez dago udaleko zinegotzirik eta ezta hauen seniderik ere.

Kartel hauen bidez egin den salaketa egiaztatuko balitz, oso larria eta guztiz onartezina litzateke, herritarrekiko errespetu falta handia erakutsiko lukeeelako.

Nabarmena da, bi salaketa publiko larri hauen aurrean, Maite Izagirre alkateak eta PNVko Udal Gobernuak azalpenak eman beharko dituztela. Udal agintarien eta PNVren isiltasunak, salaketa hauek egiazkoak direla frogatuko luke eta larriagoa dena, egungo alkatetzak prebarikazioa egin duela ondorioztatu daiteke.  

Espero dugu oraingo honetan azalpen eskaerak erantzun bat izatea, izan ere legealdi honetan ohikoa izan da alkateak isiltasunarekin erantzutea oposiziotik egin zaizkion galdera eta azalpen eskaerei. Portaera honen adibide ugari jar ditzakegu, hala nola duela hilabete inguru Aiurri aldizkarian alkataeak botatako gezurren aurrean edo Amavi udal aldizkarian argitaratutako gezurrezko albisteen ondoren, azalpenak eskatzerakoan jasotako erantzunik ezak.

Pasa den astean eskualdeko Aiurri eta Ataria komunikabideetan, Villabonako udaleko web orri ofizialean eta Amavi udal aldizkarian honako albiste hau irakurri genuen:

Amasa – Villabonako Udalak eta Zubimusu Ikastolak sinaturiko lankidetza hitzarmenaren ondorioz, Txermin eraikinean ebakuazio proiektua aurrera eraman da.

Amasa-Villabonako EH Bilduk ekimen berri bat abiatu du udalean eta oraingoan Amasamendiko basoen (gehienbat lurzoru publikoan, udalaren lurretan daudenen) kudeaketaren gaia azaleratu nahi izan du EH Bilduko udal-taldeak. Horretarako mozio bat osatu eta udaletxeko bulegoetan ofizialki erregistratu du gaur. Mozio horren bidez, 2017ko irailean onartutako Amasamendiko antolaketa Plan integrala benetan aplikatzea da bilatzen dena eta horretarako Gipuzkoako Foru Aldundiaren inplikazioa eskatzen du testuak. Izan ere, baso publikoen kudeaketan ezinbestekoa da Foru Aldundia eta Udalaren arteko lankidetza ondo artikulatzea, baliabide nahikoak bideratzea eta proiektu zehatzak jasoko dituen ekintza-plan bat adostu eta martxan jartzea. Hori da EH Bilduk lortu nahi duena, udalak zein Foru Aldundiak onartu zuten Amasamendiko Plana, benetan martxan jartzea.

Belabieta mendiaren inguruko parajeak Amasamendin

Bestalde, Leitzarango isurialdean kokatuta dagoen eta "Natura 2000" izendapena duen eremua babesteko baliabideak eskatzen ditu mozioak. Alferrik da eremu bati, duen balio ekologikoagatik babesteko izendapen bat ematea, gero ez badira bertako landaretza eta fauna babesteko neurri zehatzak hartzen. Gai honetan ere Foru Aldundiaren inplikazioa eskatzen du mozioak. 

Bukatzeko, azken aldian asko hitz egin den pinuen gaixotasunen gaia ere jorratzen du mozioak; Amasamendiko pinuen egoera ez da salbuespen bat eta "Banda marroia" bezala ezagutzen den gaixotasuna oso zabalduta dago gure mendietan ere. Egoera honi erantzuteko administrazio publikoek (Foru Aldundiek eta Eusko Jaurlaritzak) mahai gainean jarri dituzten "erremedioek" kezka handia sortu dute, batez ere fumigazioek. Gai honetan, adituak direnen iritzia kontuan artzea, kutsadura (lurzoruetan edo lur azpiko uretan) sortzen duten neurririk ez hartzea eta herritarrei informazio gardena ematea eskatzen du Amasa-Villabonako EH Bilduk.

Hau da EH Bilduk Amasa-Villabonan aurkeztu duen MOZIOA:

"Gipuzkoan baso eta zuhaitz landaketen artean 114.012 Ha-tako azalera dugu eta horren %18,8 jabego publikokoa da. Baso eremu publikoetan, administrazioen ardurak dira interes orokorrari erantzutea eta baliabide naturalak zaintzea. Interes orokortzat besteren artean, uraren kalitate ona mantentzea, airearen garbitasuna, lurraren egonkortasuna eta emankortasuna, suteen kontrako gaitasuna, bioaniztasuna, paisaia naturalak, nekazaritza iraunkorraren egiturari eusteko baso-zelai sistemak, herritarren astialdia eta aldaketa klimatikoarekiko erresistentzia hartzen ditugu.

Gaur egun Gipuzkoako baso zein zuhaitz landaketen eremuaren %38 inguru pinu insignisa da. Espezie honen monolaborantzak eta bere ustiaketa intentsiboak, urteren poderioz espeziearen ahultzea ekarri dute. Pinu insignis landaketek duten gaixotasunen zerrenda luzea da eta ezagutu ditugun azkeneko datuen arabera, Gipuzkoako insignis landaketen %50tik gora banda marroi gaixotasunak jota dago.

Tolosaldean, zuhaitz landaketek 12.358 Ha betetzen dituzte, azalera honen %44a insignisa da eta horren %17,5 (944 Ha) publikoa. Aldundiak emandako datuen arabera Tolosaldean espezie honen azaleraren %63 banda marroiak jota dago.

Amasa-Villabonan, 2017ko irailean Udalbatzak aho batez onartutako "Amasa-Villabonako Amasamendia 2075.1 Herri Onurako Mendiaren Baso Antolaketa Plana"-k jasotzen dituen datuen arabera, hazkunde azkarreko Pinus radiata (Insignis) birlandaketak, hazkunde ertaineko Pinus nigra eta Pinus pinaster birlandaketak batera kontuan hartuz gero, Pinus generoko birlandaketek Amasamendiko azaleraren %30a (330 Ha inguru) osatzen dute. Pinu birlandaketa hauek duten egoera fitosanitarioa oso anitza da baina insignis pinuen %50etik gora banda marroiak jota dagoela baiezta daiteke. Bestalde, Pinus nigra eta Pinus pinaster espezieek ere hainbat arazo fitosanitario dituzte, onddoak eta bestelako gaixotasunak identifikatu direlarik.

Azkunde azkarreko Pinus radiata (Insignis) espeziaren egoera sanitario larria, eta espezie honen ustiaketaren ondorioz naturan zein interes orokorreko elementuetan izandako galerak ukaezinak dira.

Hori dela eta, EH Bildutik uste dugu baso eremu publikoetan interes orokorrari eta natur baliabideen zaintzari erantzungo dion kudeaketa eredua bideratzea premiazkoa dela. Oso kezkagarritzat hartzen dugu baso eremuaren egoera larri honen aurrean, eskumena duten administrazio publikoek emandako erantzun partziala eta epe motzekoa. Hori dela eta, ondorengo mozioa aurkezten dugu Amasa-Villabonako udalbatzak eztabaidatu eta bozkatu dezan:

MOZIOA:

1. Amasa-Villabonako udalak nabarmendu nahi du Amasamendiko baso eremu publikoen kudeaketa, interes publikoan eta baliabide naturalen defentsan oinarrituko dela beti.

2. Amasa-Villabonako udalak dei egiten dio Gipuzkoako Foru Aldundiari, Amasamendiko baso eremu publikoei eragiten dien ordenazio zein kudeaketa planaren jarraipena egiteko gunea sortzeko. "Amasa-Villabonako Amasamendia 2075.1 Herri Onurako Mendiaren Baso Antolaketa Plana" behar bezala inplementatu eta garatu dadin ezinbestekoa izango da Foru Aldundia eta udalaren arteko lankidetza estua bideratuko duen espazio edo foro bat edukitzea.

3. Amasa-Villabonako udalak dei egiten dio Gipuzkoako Foru Aldundiari, Amasa-Villabonako lurretan (Leitzarango isurialdean) dagoen Natura 2000 eremuaren kudeaketa aurrera eramateko baliabideak bidera ditzala, natur baliabideen kontserbazioa helburu.

4. Amasa-Villabonako udalak Gipuzkoako Foru Aldundiari eskatzen dio konifero basoak berreskuratzeko euskal estrategia-ren baitan iragarritakoari buruzko informazio gardena eskaini dezala eta arriskuen eta kalteen azterketak burutu ditzala, hau da, ingurumen ebaluazio sakona egin dezala. Gai honetan komunitate zientifikoren ahotsa eta iritzia kontuan har ditzala, fumigazioari dagokionez, edozein urrats eman aurretik. Halaber, horien emaitzen berri udalei zein jendarteari zabal diezaiela.

Amasa-Villabonan, 2019ko urtarrilaren 22an"

Pasa den asteartean PNVko hiru zinegotzik prentsaurrekoa eman zuten Villabonako udalean. Bertan hautetsi jeltzaleek hondakinen bilketa sistemaren aldaketaren nondik norakoak azaldu zituzten. PNVk emandako urrats berri honen aurrean, Amasa Villabonako EH Bildu koaliziotik gure irakurketa plazaratu nahi izan dugu:

Lehenik eta behin, argi eta garbi adierazi nahi dugu gai honen inguruan azken hilabeteetan udalak emandako urratsak, besteak beste, edukiontzien erosketa, Amasako frontoia edukiontzi horien biltegi bezala erabili eta itxita edukitzea, sistema noiz eta nola aldatuko den erabakitzea, herritarrei banatu beharreko eskuorriak diseinatzea, txip-en banaketa nola egingo den erabakitzea... PNVk aldebakartasunez eta bere kabuz hartutako erabakiak izan direla. Argi gera dadila, EH Bildutik ez dugu esan nahi hartu diren erabaki guztiak txarrak izan direnik, erabaki horiek hartzeko udal gobernuak jarraitutako prozedura da kritikagarria iruditzen zaiguna.  

Jakina den bezala, otsailean hondakinen bilketa sistema aldatu eta edukiontzien sistema ezartzeko PNV, EH Bildu eta PSE arteko akordioa sinatu zen. Akordioa izenpetu zen garaian, Ivan Aguirre alkateak eta PNVk hainbat konpromiso hartu zituzten EH Bildu eta PSErekin eta horien artean, aldaketa egiteko prozedura eta sistema berriaren inplantazioa hiru alderdien arteko elkarlan eta adostasunaren bidez egitea zegoen. Horretarako, udaleko Ingurumen Batzordea ezarri zen elkarrizketa, eztabaida eta akordioak lortzeko foro gisa. Hau da, Ingurumen batzordean erabaki behar genuen sistema aldaketa noiz eta nola egin behar zen. Bere momentuan EH Bilduk ontzat eman zuen prozedura hau.

Sinestezina dirudien arren, otsailaren 29an egindako osoko bilkuran akordioa ofizialki onartu zenetik ez da Ingurumen Batzorderik egon, azken batzordea urtarrilaren 16an egin baitzen. Hori horrela izanda, EH Bilduko udal taldea osatzen duten zinegotziak pasa den irailaren 1ean komunikabideetan irakurrita jakin zuten zein egunetan eta zein prozeduraren bidez emango zen sistema aldaketa. Errespetu falta izugarria iruditzen zaigu PNVk informazio hori komunikabideei lehenago jakinaraztea, udaleko organoetan baino. Baina kontua ez da hor bukatzen, albistea irakurri eta bezain pronto, irailaren 1ean bertan, EH Bildutik Ingurumen Batzordea berehala biltzeko eskaera egin genion alkateari eta egun batzuetara emandako erantzunean, batzordea deitzeko arazo teknikoak zeudela argudiatuz, udal gobernuak iadanik prestatuta zuen bilera batera agertzeko gonbidapena egin zigun. Erantzun horretan besteak beste "azken bileratik ez da aldaketa handiegirik egon" zioen PNVko ordezkariak, lotsa gutxi behar du hori esateko.

Ondoren lehen aipatu dugun astearteko prentsaurrekoa etorri zen, bertan PNVko hiru zinegotzik aldaketaren nondik norakoak aurkeztu zituzten, hau ere udaleko beste alderdiei ezertxo ere jakinarazi gabe. Gainera, prentsaurreko horretan emandako zenbait datu ez dira behar bezala azaltzen. PNVk sistema hau 50.000 eta 55.000 euro "merkeagoa" dela dio baina hori ez da guztiz egia, diru hori aurreztuko da bai, baina bilketan soilik eta besteak beste, hainbat lanposturen galera dela medio. Bilketa merkeagoa da baina ondoren ikusi beharko da hondakinen kudeaketa osoa merkeagoa izango den edo ez. Balantze ekonomikoak gora behera nabarmenak izan ditzake sistemak emango dituen emaitzen arabera, hau da, bilduko den organiko eta errefusa tonen arabera, tonako udalak ordaindu beharreko tasak direla eta. Beraz gaur gaurkoz publikoki "sistema merkeagoa" dela esatea ez da zuzena eta esan dezakegu PNV ez dela egia guztia esaten ari, are gehiago, gure ustez herritarrei mezu nahasgarriak nahita ematen ari dira intentzio alderdikoiaekin. Guztiz bestelakoa izan da Andoainen ikusi dugun argazkia, bertan organikoa biltzen hasteko urratsa eman dute eta aurkezpen prentsaurrekoan EH Bilduko alkatea, PNV, PSE eta Irabazi-ko ordezkariekin batera agertu da, zalantzarik gabe adostasuna isladatzen duen argazkia. Zergatik ez du gauza bera egin Villabonako PNVk? sistemak ongi funtziona dezan, ez al da askoz hobea alderdi guztiak modu bateratuan aurkeztea?  

Andoaingo EH Bildu, PNV, PSE eta Irabaziko ordezkariak, organikoaren bilketa aurkezten

Aipatutako guztiaren ondorioz, gai honetan PNVk izan duen jokabidea tinko salatu behar dugu. Gure ustez, orain Villabonako udalean agintzen dutenek, legealdi hasieran Ivan Aguirre alkateak ezberdinen arteko elkarrizketa bultzatu eta akordioak lortzeko erakutsi zuen borondatea alde batera utzi dute eta hori baino larriagoa dena, PNVk gai honetan lortu zen akordioaren baitan hartutako konpromisoak zapuztu ditu. Estilo aldaketa oso nabarmena izan da, gure udalean alderdi ezberdinetako pertsonen arteko gertutasuna izan eta elkarrizketa eremu naturalak egotetik, erabateko inkomunikaziora pasa gara. Tamalez, udal gobernuko jeltzaleak nagusikeriazko jarrera kasik autoritarioa izatera pasa dira "hemen guk agintzen dugu eta punto" esatera. Nola definitu bestela, oposizio politikoari ezertxo ere ez jakinaraztea, azalpenak eman behar ez izateko sail ezberdinetako udal-batzorderik ia ez egitea, dena alkate-dekretu bidez erabakitzea, alkatearen "kalitatezko botoa" erabiltzeko inolako arazorik ez izatea etab.?

Gure ustez gai hau joko alderdikoietatik kanpo utzi beharrekoa da, azken batean gu guztiok sortzen ditugun hondakinen kudeaketaz ari gara. Hondakinak behar bezala nola banatu eta azken urteetan lortutako birziklatze tasa handiak gutxienez mantentzeko bideak errazteaz hitz egin behar genuke, herritarrei lagungarri izango zaizkien mezuak plazaratu, pedagogia egin, jarraibideak eman, gu geu eredugarri izan... eta ez alderdi bakoitzak bere interes propioen arabera jokatu. Guk interes komunak defendatzen ditugu, gure lehentasunak herritarren osasuna eta ingurumenaren babesa dira eta oso argi dugu zein den helburua, ahalik eta gehien birziklatzea. Horixe da helburu nagusia eta horretarako zein bilketa sistema erabiltzen dugun, gutxienekoa dela iruditzen zaigu. Horrexegatik ontzat eman genuen bilketa sistema aldatzea eta akordioa sinatzea erabaki genuen, akordio horretan kostata bada ere, udalak birziklatze tasa %70etik ez jaisteko konpromisoa hartzea lortu genuelako. Guk datozen egunetan ezarriko den sistemaren emaitzen jarraipen zorrotza egingo dugu eta Amasa Villabonan birziklatzean atzera urratsik egon ez dadin lan egiteko konpromisoa berresten dugu.       

Amasa-Villabonako EH Bildu koalizioko UDAL-TALDEA.

2016ko irailaren 8an

Datozen hilabeteetan Errebote plazan egingo diren obrak direla medio, astearte goizetan egiten den azokaren kokapena aldatu beharko da derrigor. Pasa den astean (obrak oraindik hasi gabe bazeuden ere) azoka Oria ibaiaren ondoko Remi Ayestaran pasealekura lekualdatu zen.

Amasa Villabonako EH Bilduko udal taldeak kokapen hau ezegokia dela adierazi dio udal gobernuari. Izan ere, pasealeku hau oinezkoentzat diseinatua dago (peatonala da), azpian bizilagunen garajeak daude eta azoka bertan ezartzeko hainbat kamioneta eta furgoneta sartu behar dira bertara. Kamioi eta furgoneten joan etorri hauek, pasealekuko lurzorua bera eta azpiko garajeen inpermeabilizazioa ere kaltetu dezakete, garajeetara ur filtrazioak eragiteko arriskua sortuz.

Errebote plazako obrak aste ugari iraungo duenez, hainbatetan ezarri beharko da azoka pasealekuko eremu horretan eta horrek aipatutako arriskuak areagotzea ekarriko du. Gainera garajeetan ur filtrazioak eraginez gero, hauek konpontzeak kostu ekonomiko izugarria ekarriko lioke udalari, eta kasu hauetan askoz hobea izaten da kalteak eragin aurretik erreakzionatzea, ondoren atsekabetzea baino.

Remi Ayestaran pasealekuaren irudia

Etorkizunean azokaren kokapena Errebote plaza izango dela garbi edukita, datozen hilabeteetarako behin behineko beste kokapen batzuk aztertzea gomendatzen diogu udal gobernuari. Aukera posible batzuk mahai gainean jarriko ditugu; Oriamendi, Larrea edota Errota auzoetako pasealekuak (errepidearen ondoan daudenak) kokapen egokiak izan daitezkeela pentsatzen dugu, azpian garajerik ez dagoelako eta bide batez erdigunetik gertu dauden auzo hauei bizitasuna ematea ekarriko lukeelako.

Azkenik, kokapen egokienaren inguruan hausnartzeko eta azokan postua ezartzen dutenekin hitz egin eta adostasuna lortzeko eskatzen diogu udal gobernuari.

Atzoko Villabonako udaleko osoko bilkuran Maite Izagirre  Amasa Villabonako alkate berria ofizialki izendatua izan zen. Alkatea hautatzeko bozketan, EH Bilduko zinegotziek aurretik publikoki jakinarazi zuten bezala, Nora Urbizu zerrenda buruaren aldeko bozka eman zuten eta hau izan zen bozketaren emaitza: Nora Urbizu (EH Bildu) 6 bozka, Maite Izagirre (EAJ-PNV) 5 bozka. Alkatea aukeratzeko lehen bozketan gehiengo osoa behar izaten da (Villabonako kasuan 7 zinegotziren bozka) eta alkategaietako inork zifra hori lortu ez zuenez, automatikoki udal hauteskundeetan bozka gehien lortu zituen alderdiaren hautagaia izendatzen da alkate. Beraz, Maite Izagirre da Amasa Villabonako alkate berria. Gure ustez, nahiko tristea eta paradoxikoa da alkate berriak, oposizioko zerrenda buruak baino aldeko bozka gutxiago izatea, ez dirudi hasteko modurik onena denik. Maite Izagirrek bota zuen diskurtsoan, EH Bildurekiko mespretsu hitzak jaurti zituen, aurreko legealdian izandako "inposaketaren eredua" aipatuz. Diskurtsoa entzun ondoren Nora Urbizuk hitza hartu nahi izan zuen baina Izagirre andreak hitza ukatu nahi izan zion; udal idazkariak gogorarazi behar izan zion alkate berriari, oposizioko alderdiek hitz egiteko eskubidea dutela. Izagirrek gogo txarrez hitza hartzeko baimena eman behar izan zion EH Bilduko ordezkariari. Nora Urbizuk hitza hartu zuen: "Azken urtebetean absurdo erabatekoa bizi izan dugu udalean, eta ahultzearen adibide gehiago ditugu, kudeaketa onarenak baino. Etengabeko inprobisazioan aritu zarete". EAJko udal gobernuak "dena ezkutuan" egin izan duela salatu zuen oposizio-buruak, baliabideak herrian utziko dituen alkate bat eskatuz: "Eta ez alkatetza hartu aurretik poltsikoak bete nahi dituena". Pleno aretoan bildutako hainbat herritarrek, txalotu egin zituzten Nora Urbizuren hitzak.

Maite Izagirre alkate berria, Villabonako udaleko aginte makila hartu zuen unean

Osoko Bilkurako gai ordena jarraituz, bigarren puntuan aurreko osoko bilkuretako Aktak onartu ziren aho batez.

Ondoren iritsi zen alkate berriaren soldata bozkatzeko puntua. Gai hau zen pleno aretora gerturatu ziren hainbat herritarri kezka sortzen ziena, gogoratu behar dugu puntu horretan Izagirre andreak urtean 52.000 euroko soldata ezartzea proposatzen zuela eta normala denez, horrek herritar askori ezinegona eta haserrea sortu zien. Denen harridurarako ordea, Izagirre andreak puntu hau bertan behera uztea erabaki zuen. Alkate berriak hartutako erabaki horrek, harridura ekarri zuen pleno aretoan zeuden pertsona guztiengana eta EH Bilduko zinegotziek udal idazkariari galdetu zioten ea hori egitea posible ote zen. Osoko bilkura bateko gai ordenean dagoen puntu bat bertan behera uzteko ahalmena alkatearen eskumenetako bat da, beraz legalki egin daiteke. EH Bilduko Nora Urbizuk, erabaki horren zergatia azaltzeko eskatu zion Izagirreri, eta alkatea "arrazoi pertsonalak" esatera mugatu zen. Berriz galdetu ondoren, bere bigarren erantzuna askoz argigarriagoa izan zen: "EAJko zinegotzi bat ez da etorri, arrazoi pertsonalengatik". Beraz, guztien aurrean argi geratu zen bilkura honetan soldataren gaia ez jorratzearen arrazoia EAJko bi eserleku hutsik egotea zela. Puntu honen balizko bozketan, alkatearen soldata proposamenak bozka gehiago izango zituzkeen kontra, alde baino, eta bozketa galdu eta bere asmoa momentuz bertan behera utzi behar izatea baino, Izagirre andreak nahiago izan zuen puntua gai ordenetik ezabatu. Gure ustez, erabaki hau erabat lotsagarria eta salagarria da, gainera horrek, puntu hau dela eta pleno aretora hurbildu ziren herritarrei errespetu falta handia erakusten du. Gainera errespetu falta hori areagotu egin zuen Izagirrek, hainbat herritarren protestei, irrifarre ironiko batekin erantzun zienean.

Galdera eta erreguen puntura arte itxaron behar izan zuen oposizioak alkatearen soldataren gaia berriz ere mahai gainean jartzeko, Nora Urbizuk hitza hartu zuelarik. Bere hitzak oso argiak izan ziren: "Euskal Herrian gutxieneko soldata 9.172,80 eurokoa da, eta zuk Izagirre andrea, gutxieneko soldata 5,6 aldiz biderkatua eskatu duzu. Billabonatar asko hilero 1.000 eurora iritsi ezinik dabiltzan bitartean, zuk, urtean 52.000 euro irabazi nahi dituzu eta gainera, alkate izan aurretik hartu duzu erabakia. Politikari profesionala ez zarela aipatu duzu Maite, baina soldata profesionala ezarri nahi diozu zure buruari. Lotsa eman beharko lizuke, eta guri auzo-lotsa eta haserrea besterik ez digu pizten. Beharrezko den guztietan salatuko dugu, hau guztia lotsagarria delako". Beriz ere txaloak jaso zituen Nora Urbizuren hitzek. 

Aipamen berezia merezi du PSEko ordezkaria den Maria Luisa Arija andreak izan zuen portaerak. Arijak, Maite Izagirreren aldeko bozka eman zuen, hau erabat ulergarria da PSEk eta EAJk euskal intituzioetan duten ituna dela eta, baina bere interbentzioa benetan harrigarria izan zen. Maite Izagirrerengan erabateko konfidantza duela adierazi zuen, alkate ezin hobea izango dela zalantzarik gabe, etab. EAJkoek bota ez zizkioten "loreak" PSEko ordezkariak bota zizkion alkate berriari. Ikusteko dago Izagirre andreak bere buruari ezarri nahi dion soldata galaktikoaren aurrean zein izango den bere erabakia, baina EH Bildutik gogorarazi nahi dugu, Arijak bere eskuetan duela soldata lotsagarri hori geldiaraztea eta Villabonako udalari diru kopuru esanguratsu bat aurreztea.   

EH BILDUko Udal Taldea.

Amasa Villabonan, 2016ko ekainaren 28an.

Pasa den irailaren 13an Maite Izagirre alkateak eta Eneko Urdangarin PNVko zinegotziak "Kolorez kolore ingurumena nik zainduz askoz hobe" izeneko kanpaina aurkeztu zuten komunikabideen aurrean.

"Birziklatzearen aldeko" kanpaina hau udal gobernuak aldebakartasunez, beste talde politikoei ezertxo ere jakinarazi gabe eta komunikazio edo marketing enpresa pribatu bat dekretuz kontratatuta diseinatu izana salatu nahi dugu. EH Bilduko zinegotziak ez ziren gonbidatuak izan aipatutako aurkezpen prentsaurrekora ere, eta honek argi uzten digu PNVko agintariek ez dutela gai honetan adostasuna eta elkarlana bilatu nahi izan, guztiz kontrakoa, kanpaina hau beraiek bakarrik garatu nahi dutela erakutsi digute.

2016an udaleko alderdi guztien artean lortutako akordioarekin, hondakinen bilketa sistemaren inguruan izandako tira-birak eta liskarrak gaindituta zeudela uste genuen baina hauteskundeak gerturatu diren honetan, nabarmen geratu da jeltzaleek berriro ere gai hau kalera atera nahi duela arrazoi eta helburu guztiz alderdikoi eta elektoralengatik.

Zorionez, adostutako hondakinen bilketa sistemak emaitza positiboak eman ditu eta hondakinen bereizketa tasak %80tik gorakoak izatera iritsi dira. Pozik egoteko zifrak dira eta amasa billabonatarrak txalotu eta zoriontzeko modukoak.

Hau horrela izanda ere, gai honi etengabeko jarraipena egin behar zaio eta adi egon behar gara atzera pausurik egon ez dadin. Horregatik, gu beti egongo gara sentsibilizazio kanpaina eta birziklatzea sustatuko duten ekimen guztien alde, eta prest egon gara beti (oposizioan izan arren) udal gobernuarekin betera elkarlanean aritzeko. Baina PNVko agintariek argi utzi digute kanpaina honetan ez gaituztela beren alboan eduki nahi. Honek tristura eragiten digu, ez al da tristea teorian denok birziklatzearen alde gaudenean, horrelako kanpaina bat modu bateratuan ezin egitea?

Kanpaina honetan argitaratu den karteltxoa

Dirudienez, azken udal hauteskundeetan emaitza ona eman zien gatazka egoera errepikatu nahi dute jeltzaleek, jendeari EH Bilduk gaizki egindakoak gogorarazi nahian. Eta bide batez hondakinen gaian "zerbait" egiten ari direnaren itxura eman nahian dabiltza. Hori da orain martxan jarri duten "kanpaina" honen helburu bakarra.

Guk egin beharreko autokritika ariketa sakona egin genuen 2015ean, badakigu akats handiak egin genituela, hainbat momentutan ez genuela zuzen jokatu, herritar askoren iritziaren aurrean beste alde batera begiratu genuela etab. Baina aldi berean, denboraren perspektibarekin, atez ateko sistemak ondorio positiboak ekarri dituela ikusi dugu. Bilketa sistema harekin herritarrek hondakinak behar bezala bereizten ikasi genuen eta ukaezina da atez atekorik izan ez balitz, egungo sistemarekin ez ginatekeela sekula %80ko tasara helduko. Maite Izagirre alkateak ordea, berearekin jarraitzen du eta "birziklatzearen aldeko" kanpainaren aurkezpenean, birziklatzearen alde hitz egin beharrean horrelakoak bota zituen: "Ez genuen ezer lortuko aurreko gobernu taldeak martxan jarri zuen sistema zapaltzailearekin.”

Azkenik, ezin dugu aipatu gabe utzi, besteei behin eta berriz "inposatzaile" deitzen dieten jeltzaleek, Amasa Villabonatik 7 kilometro eskasera dagoen Zubietako Erraustegi toxikoa inposatu digutela. Non dago hemen herriaren hitza? gai honetan herritarren iritziak ez du lekurik nonbait. Erraustegiak errefusa behar du bere funtzionamendurako, eta hori hondakinak ez sortzearen, birziklatzearen eta ekonomia zirkularraren kontra doa zuzen zuzenean. Gehiago birziklatu eta hondakin gutxiago sortuko bagenu, erraustegiak ez luke zentzurik izango eta PNVkoek badakite hori. Bestalde, frogatuta dago erraustegiek pertsonen osasunean kalteak eragiten dituztela (minbizi gehiago, arnaste arazoak...) baina inguruko biztanleen (tartean amasa billabonatarren) osasunak ere ez die arduratzen. Hori gutxi balitz, jendea tontotzat hartzen dute erraustegiari erraustegia deitu beharrean "complejo medioambiental" bezala izendatuz eta tximiniarik gabeko gune baten irudia erakusten dutenean.

Ondorioz, orain herriko jeltzaleak, udalaren diruarekin eta beraiek bakar bakarrik gehiago birziklatu behar dugula esten digutenean, zer esan? Hipokrita hutsak zarete! erraustegirik ez!

Maite Izagirre da Villabonako EAJk aukeratu duen alkategaia eta dagoeneko hartu du lehen erabakia, bere soldata 52.000 euroraino igotzea.

Maite Izagirre (EAJ-PNV) Iturria: ataria.info

Datorrean astelehenean, ekainaren 27an, 19:00etan izango da alkate berria aukeratzeko osoko bilkura Vilabonako udaleko pleno aretoan. Osoko bilkurako lehen puntua alkategaien bozketa izango da eta ondoren, aurreko bilkurako akta onartuko da. 3. puntuan jorratuko da alkate berriaren soldataren gaia.

EH Bilduko kideak zur eta lur geratu gara EAJk Maite Izagirrerentzat proposatu duen soldata ikusi dugunean, 52.000 euro alajaina! Gure ustez, kopuru hau erabat onartezina da, eta are gehiago krisi ekonomiko larri bat bizi dugun garai honetan. Herritar askok bizirauteko eta hilabete bukaerara iristeko arazo handiak dituzten honetan, alkatearen soldata %35a igotzea, herritarrei aurpegira burla egitea dela pentsatzen dugu. Gogorarazi nahi dugu kopuru hori gutxieneko soldata (9.172,80€) 5,6 aldiz biderkatua dela.

Bistan denez, EAJk egin duen soldata proposamen lotsagarri honen aurrean, EH Bilduko hautetsiek kontrako bozka emango dute eta bide batez, PSEko ordezkariari dei egiten diogu bere bozkaren bitartez proposamen bidegabe hau geldi dezan, bere eskuetan dauka.

Azkenik, EH Bildutik herritar guztiei gogorarazi nahi diuegu osoko bilkura hau herritarrei irekia dela eta herritarrek ere hitza eskatu eta har dezaketela, beraz, edonork bere ezinegona dierazi nahi badu, udaleko pleno aretoko ateak irekita izango ditu.      

Pasa den ostegunean egindako ez-ohiko Udalbatzan, PNV-PSOE udal gobernuak herriko argiteria osoa aldatzeko eta datozen 10 urtetarako energia horniketa eta mantenurako 1.500.000 euro inguruko gastua onartu zuen. Azken hamarkadetako (seguruenik 1998an kiroldegia egin zenetik) gastu edo inbertsiorik handiena alajaina!

Onartutako proiektu honekin udalak 10 urtez, ia 150.000 euro ordainduko beharko ditu urtero. Kontuan izan behar dugu urte oso bateko aurrekontuan udalak inbertsioetarako izaten duen dirua 400.000 euro ingurukoa izaten dela eta urte normal bateko inbertsiorik handiena 100.000 euroren bueltan egoten dela. Beraz, nabarmena eta ukaezina da, erabaki honekin datozen urteetarako udal aurrekontua baldintzatu egingo dela.

Pasa den udaberrian udalak enpresa bat kontratatu zuen (beti bezala alkate dekretu bidez) herriko argiteriaren egoera ezagutzeko auditoria bat egiteko. Auditoria horren bidez Amasa Villabonako farolen egoera ezagutu genuen eta ondorioa argia zen: Herriko auzo ezberdinetan, energia kontsumo eta argi-kutsadura handia sortzen duten zaharkitutako farola ugari daude. Ondorioz, beharrezkoa da farola hauetako argiak LED teknologiadun kontsumo baxuko eta argi-kutsadura askoz gutxiago sortzen duten argiengatik aldatzen joatea. Hori ez du inork zalantzan jartzen eta guk ere udalak datozen urteetarako duen ezinbesteko eginbeharra dela defendatzen dugu. Argiteria modernizatu behar dugu, energia kontsumoa gutxituz eta argi-kutsadura ahal bezain beste murriztuz, dudarik gabe.

Hau horrela izanda, nola egin hori modu egokian? Gure ustez, arrazionalena lehenik eta behin egoera txarrenean dauden eta gehien kontsumitzen duten argiak aldatzea litzateke eta ondoren urtez urte, modu gradualean, argiteria modernizatzeko prozesu bat garatzea. Normala den bezala, herriko argiteriaren modernizazio plan horren garapena urte bakoitzeko egoera ekonomikoak baldintzatuko du, zoritxarrez gure udalak baliabide ekonomiko oso mugatuak ditu eta urte jakin batean beste lehentasun batzuk ere egon daitezke. 

Hauxe litzateke udal serio eta arduratsu batek egingo lukeena, baina ez, Amasa Villabonan agintzen duen PNV-PSOE koalizioak nahiago izan du bere estiloari jarraitzea eta dirua irabaztea beste helbururik ez duten enpresa pribatuetako gorbatadunek proposatzen dutenari itsu itsuan jarraitzea. Izan ere, berriro ere alkateak dekretuz aukeratutako enpresa pribatu bati eman zaio herriko argiteria aldatzeko pleguak (proiektuak bete beharreko baldintza tekniko eta administratiboak) egiteko zeregina. Herriko argiak aldatzeko baldintzak udalak jarri beharrean, enpresa pribatu batek jarri ditu. PNV-PSOE estiloaren adibide bikaina.

Larrea auzoa gauez, farola hauek energia elektriko asko kontsumitzen dute

Bestalde, ez dugu uste momentu honetan herri osoko farola guztiak aldatzea beharrezkoa denik, adibidez Errota, Arroa eta Larreako argi gehienak LED teknologiakoak eta kontsumo txikikoak dira eta udalak EVEren (Ente Vasco de Energia) sari bat jaso zuen 2015an aldaketa horiek egiteagatik. Pasa den legealdian jarritako argi hauek oraindik berriak eta energetikoki efizienteak izanik, zertarako aldatu? Ez dauka zentzurik.

Herriko argiteria publioaren kudeaketa pribatizatuko da

PNV eta PSOEk onartutako esleipen honekin, Amasa Villabonako argiteria publikoaren energia hornidura, funtzionamendua eta mantenua esku pribatuetara pasako dira, hau da, enpresa pribatu batek kudeatuko ditu gure herriko argiak. Hau onartezina eta guztiz salagarria iruditzen zaigu, PNVren eta PSOEren politika ekonomiko kapitalista neoliberalaren adibide bat gehiago. Gure herriko argiteriaren kudeaketa publikoa izatetik, dirua irabaztea beste helbururik ez duen enpresa pribatu baten eskuetan egotera pasako gara.  

Honegatik guztiagatik, ostegunean proiektu honen kontrako bozka eman zuten EH Bilduko zinegotziek. Herriko argiak energetikoki efizienteak izatearen eta argi-kutsadura murriztearen helburuekin erabat ados egonda ere, ez dugu horretarako PNV-PSOE gobernuak erabili nahi duen modua konpartitzen.

Bukatzeko, mezu argi bat bidali nahi diegu Amasa Villabonako udal agintariei: Ez kontatu gurekin diru publikoa modu honetan xahutzeko, enpresa pribatuen interesak udalaren (herriaren) interesen gainetik jartzeko eta gainera zerbitzuak pribatizatzeko. Gure herriaren etorkizuna baldintzatzen duten jokabide partidista eta arduragabeen aurrean, ez gara isilik geratuko.

Gaur arratsaldean Villabonako udaletxearen atarian, prentsa agerraldia egin dute Amasa Villabonako EH Biduko hainbat kidek (tartean zinegotziak, pasa den legealdiko hautetsiak eta EH Bilduko herrigintza taldeko kideak). 

Hau da prentsaurreko honetan Nora Urbizu, Xabat Laborde eta Beatriz Unzuek irakurri duten agiria:

"Gaurkoan, legealdia hasi zenetik urte bete igaro den honetan, EH Bilduko hainbat kide eta zinegotzi gure udalaren atarian elkartu gara Amasa Villabonako EH Bildutik legealdi honetako lehen urte honi dagokion balorazioa publikoki aurkezteko. Pasa den urteko udal hauteskundeen emaitzek oposizioan kokatu gintuzten eta egin beharreko autokritika ariketa egin, herritarrekin partekatu eta sakon hausnartu ondoren udal honetan egin beharreko lana antolatu genuen. 

Lehen urte honetako balorazioa bi zatitan banatuko dugu, lehenik eta behin EH Bilduko udal taldearen lanaren errepaso labur bat egingo dugu eta ondoren EAJk gidatutako Udal Gobernuaren jarduna baloratuko dugu:

 Gaurko prentsaurrekoaren argazkia

EH Bilduko udal taldea: Oposizio lan serio eta zorrotza, baina aldi berean eraikitzailea.

Gure udal taldea sei zinegotzik osatzen dugu, billabonatarrak denak, eta egunero udalean egon gara, herritarrei eta herriko elkarteei entzuteko prest, batzorde informatiboetan parte hartzen, udal langile eta teknikariekin egon, galdetu eta udal gobernuaren lanaren kontrol politiko zorrotza egiten. Baina legealdi hasieran esan genuen bezala, ez gara soilik kontrol lana egitera mugatu, gure herriaren mesedetan oposizio eraikitzailea egiten aritu gara eta dozenaka izan dira udalean egin ditugun alkatearentzat eskaerak, proposamenak, negoziazio bilerak, aurrekontuei zuzenketak, proposamenak etab. Gehienetan ordea, EAJren Gobernuak ez gaitu kontuan hartu eta alde batera utzi ditu gure proposamen eta ideiak.

EAJren Udal Gobernua: Gaitasun eza, geldotasuna, utzikeria eta inprobisazioa nagusi.

Urte honetan EAJ-PNV alderdiak Villabonako udala gobernatzeko ezintasun nabarmena erakutsi du. Orokorrean, aurreko legealdian osatu, onartu eta bideratuta utzitako proiektuei nolabaiteko jarraipena ematera mugatu dira eta kasu gehienetan atzerapenarekin gainera, udaberrirako martxan behar lukeen herri baratzen proiektua, oraindik egin gabe dauden mendi bizikleten ibilbideak, Arratzaingo futbol zelaiko obrak edo Arroako plazaren konponketa kasu. Gobernu honek iniziatiba falta izugarria utzi du agerian, ez du bere kabuz ia egitasmo edo proiektu berri bakar bat ere mahai gainean jarri eta gestioa aurrera eramatera mugatu da, eta hori ere modu traketsean (udalak dituen lan egiteko prozedurak jarraitu gabe etab.) Bestalde, egitekoak ziren hainbat proiektu paralizatu dira, kasu honetan aipatzekoa da herritarren bozka bidez aukeratua izan zen Larrea auzoko parkea estaltzeko proiektua. Aurrekontuei dagokionez, udal gobernu honek 2016rako aurkeztu zuen inbertsio nagusia Amasako Lizarragako bidearen konponketa izan zen, baina gaur gaurkoz proiektua geldirik dago eta dagoeneko ez dirudi 2016an egin ahalko denik. Beraz, inbertsio alorrean ere paralisia nagusi izan da.

Bestalde, utzikeria eta lan egiteko gogo gutxi ikusi ditugu EAJ-PNVko udal taldearen aldetik. Gai zehatz batzuk kenduta, udal honetan ez da apenas batzorderik egiten, euskara, kultura, hezkuntza, gazteria, kirola eta ingurumen sailak ia abandonatuta eduki dituzte, ezertxo ere egin gabe, dirudienez sail hauek ez dute garrantzirik EAJ-PNVrentzat. Gogorarazi nahi dugu batzorde hauek direla sail bakoitzean dauden gaiak mahai gainean jarri, eztabaidatu eta erabakiak hartzeko udalak dituen foroak. Beraz, utzikeria eta alferkeria puntu bat ere antzeman dugu eta zentzu honetan aipatzekoa da EAJ-PNVko zenbait zinegotzi ez direla ia udal honetatik pasa ere egiten, osoko bilkurara etorri eta bozkatzeko ez bada.

Azkenik, aipatzekoa da udal honek herritarren parte hartze aktiboa ere albo batera utzi izana, pasa den legealdian egindako aurrera urratsak bertan behera geratu direlarik. Besteak beste, Ados! parte hartze mahaiak desagerrarazi dira eta aurrekontuak osatzeko garaian ere, aurtengoan ez da ez inkestarik ez eta aurkezpen publikorik ere egin.

Alkate berriaren hautaketarako Osoko Bilkuraren aurrean:

Dakizuenez, Iban Agirre alkateak bere ardura politiko guztiak utzi ditu, dimisio hau pasa den asteleheneko Osoko Bilkuran ofizialki onartu zelarik. Hurrengo urratsa beste Osoko Bilkura bat deitu, eta bertan EAJ-PNVko zinegotzi kargua hartuko duen pertsona izendatu, eta alkate berria nor izango den aukeratuko da bozka bidez. Gaur gaurkoz Villabonako EAJ-PNVk ez digu hartu beharreko erabaki hauen inguruko ezertxo ere jakinarazi.

Amasa Villabonako EH Bildu koaliziotik, aipatutako hurrengo osoko bilkuran, esan eta egingo duguna publikoki azaldu nahi dugu:

EH Bilduko udal taldeak, alkatea aukeratzeko bozketan Nora Urbizu EH Bilduko zerrenda buruaren aldeko bozka emango du.

Amasa Villabonako EH Bilduk proiektu sendo bat du gure herriarentzat, proiektu herritarra, Amasa Villabonan sortua, Amasa Villabonarentzat egina. Pasa den urtean herri-programa zabala osatu genuen eta konbentzituta gaude gure herriarentzat eta herritarren ongizatearentzat programa honetan biltzen diren egitasmoak garatzea dela egin dezakegun ekarpenik onena.

Villabonako EAJ-PNVk erakutsi duen inkonpetentziaren aurrean, guk lan-talde sendoa dugu, herria ezagutzen duena, lanerako gogotsu dagoena eta gure udala behar bezala gobernatzeko gaitasuna duena. EH Bilduk ezkerreko altenatiba herritar eta parte hartzailea eskaintzen dio herri honi, eta guk alternatiba hori mahai gainean jarriko dugu alkate berria aukeratzeko egingo den hurrengo osoko bilkuran.

Amasa Villabonan, 2016ko ekainaren 16an

Maria Luisa Arija Amasa Villabonako udaleko PSOEko zinegotziaren zinismo eta lotsagabekeria mailak ez du mugarik. Aste honetan argitaratu duen ohar batean, berriro ere parke estalia defendatu du Hondarribian bizi den PSOEko ordezkariak eta "ezinbestekoa" dela adierazi du. 

Hemen duzue Aiurri aldizkariak argitaratutako oharra: http://www.aiurri.eus/Amasa-Villabona/Albisteak/20180910/PSE-EE_alderdia_herriko_parkeen_inguruan

Arija andreak memoria oso eskasa duela erakutsi du beste behin; EH Bilduko udal taldeak 2016 eta 2018ko aurrekontuei aurkeztutako zuzenketen bidez Larreako parkea estaltzeko proiektua (2014an garatutako prozesu parte hartzaile baten bidez herritarrek gehien bozkatutako proiektua) onartu eta obra egitea proposatu zuen, zenbakiak mahai gainean jarriz eta borondatea balego, egin zitekeela erakutsiz. Eta zer egin zuen PSOEko Arijak? PNVrekin batera, zuzenketaren kontrako bozka eman, eta proiektua baztertu! Bai, bi alditan Larreako parkea estaltzeko proiektuaren kontra bozkatu zuen Arijak eta bere bozkak Amasa Villabonako Udalbatzan dagoen PNV eta EH Bilduren arteko berdinketa apurtzen duenez, bere aldeko bozkarekin proiektua 2016an eginda egon zitekeen! Ondorioz, Arija bera da proiektua ez egitearen arduradun nagusia. Eta orain (gainera ez da lehen aldia) parkea estaltzea "ezinbestekoa" dela dio, izugarria. 

PNVk hasieratik baztertu zuen proiektu hau egitea, dirurik ez edukitzearen aitzakia faltsua erabiliz eta bere estiloari jarraiki, herritarren parte hartzea mespretxatuz. Jeltzaleak gutxienez koherentzia mantendu dute, baina PSOEko ordezkariaren jarrerak gustu txarreko txantxa bat dirudi. Arijak publikoki gauza bat esan eta gero udaletxean guztiz kontrakoa egiten du behin eta berriro. Jokabide horrek izen bat du: Hipokresia.      

EH Bildutik legealdi osoan zehar behin eta berriro defendatu dugu proiektu hau behingoz egitea, gure herriak duen behar eta eskaera garrantzitsu bati erantzuten baitio. Eta aipatu dugun bezala PSOEko zinegotziaren jokabidea lotsagarria izan arren, berriro ere eskua luzatzen diogu 2019ko aurrekontuetan Larreako parkea estaltzeko proiektuaren egikaritzea jaso dadin. Arijak bere eskuetan du erabakia. 

Atzo arratsaldean Villabonako udaleko areto nagusian izandako ez-ohiko osoko bilkura, berezia izan zen zalantzarik gabe. Amasa Villabonako udal taldetik, atzo jorratutako bi gai azpimarratu nahi genituzke: 

HERRIKO ELKARTE ETA ERAGILEEN DIRU LAGUNTZEN GAIA:

EAJko udal gobernuak Aurrekontu orokorraren exekuzioaren 38. artikulua aldatzea proposatu zuen, eta zer esan nahi du horrek? modu sinple batean azaltzeko, EAJk agintea eskuratu zuenean ezarri nahi izan zuen diru-laguntzak banatzeko planteamendu berriak porrot egin duela eta pasa den legealdiko sistemara bueltatu direla, hau da, herriko elkarteei dioru-laguntzaren %90a urte hasieran helaraztea, eta gastuak justifikatu ondoren, falta den %10a ordaintzea.

Hau da EAJren atzera-jotze honen aurrean EH Bilduko ordezkaria den Nora Urbizuk atzoko bilkuran azaldu zuen irakurketa: 

"EAJko udal taldetik otsailaren 29ko osoko bilkurara ekarri zenuten gai hau. Orduko hartan EH Bilduko kideok, bai ogasun batzordean eta bai osoko bilkuran, gai honek kezka handia sortzen zigula azaldu genuen. Noski, esan beharrik ez dago guri kasu zipitzik ez diguzuela egin urte bete honetan.

Gaur berriz ere lehengora bueltatu nahi baduzue ere, gogorarazi nahi dut hasiera bateko EAJren asmoa diru laguntzen ordainketa hasieran %50a eman, eta justifikatu ondoren beste %50 ematea zela. Kanpotik etorri eta herri bateko ekimen herrikoi parte hartzaileak popatik hartzera bidalitzeko zorian egon zarete eta gure herriko ekimen kultural eta sozial garrantzitsuak kolokan jarri dituzue, herritar askoren artean ezinegona sortuz. Herri bizi batek aktibitate sozial eta kultural bizia behar du eta guk uste dugu, orain artean Villabonan, hori errealitate bat izan dela, eragileek lan asko egin dute herri honen mesedetan eta are gehiago, hauetako asko erreferentzia bihurtu dira Euskal Herrian ere. Villabonaren izena  gure mugetatik haratago eramatea lortu dute. Eta uste dugu, udal gobernu hau ez dela elkarte hauek merezi duten arretarekin jokatzen ari.

Zuetako gehienek urrun duzue herri honetako errealitatea, eta ezer gutxi axola dizue ekimenak herriko elkarteek egin edo kanpotik ekarritakoek egin. Bost axola zaizue urteetako saretze lana, gazteei trasmititzen zaien jaietako parte hartzea eta herriari zerbitzua musutruk eskeintzea. 

Udalak herritarrengadik gertuen dauden instituzioak dira; herritarren arazoak konpontzeko ardura dutenak eta nago azken garaiotan arazoak konpondu baino arazoak sortzen ez ote ari den udal gobernu hau. Hori sumatzen dugu guk behintzat eragileekin gaudenean.

Zuek arrazoirik eman nahi ez badiguzue ere, gaur berriz ere denborak arrazoia eman digu. Orain taktika aldaketa bat ikusiko dugu seguruenik, alkatearen dimisioa probestuko duzue orain arte hartutako erabakiak leuntzeko, goxatzeko, eragileen ondoan kokatzeko. Baina iada ez duzue inor engainatzen, ikusi dugu zuen benetako izaera. Jakitun gara zure burla tonoa eta hainbat kasutan ekintzen aurrean mehatxu mezuak ere izan direla. Ikusi zaitugu, herritarrak isildu nahian, jai batzordean esaterako, deserosoa da zuretzat Mertxe (EAJko kultura zinegotzia, lazkaotarra) herritarrei entzutea, beraiekin eztabaidatzea, noski ez da zure estiloa.

EAJren lan egiteko modua ez da serioa. Atrebentzia eta ezjakintasuna izan dira nagusi. Ez da lehen aldia EH Bilduko hautetsiok mahai honen inguruan hau dioguna, eta esango dugu publikoki behar den leku guztietan. Iazko Santioetan giroa bero izatea lortu zenuten, eta aurtengo jai aurrea ere ez doa leun." 

Mertxe Garmendia EAJko kultur zinegotziak ez zuen inolako erantzunik eman nahi izan.

IBAN AGIRRE ALKATEAREN DIMISIOAREN NONDIK NORAKOAK:

Ibon Ariznabarreta eta Iban Agirre (EAJ) atzoko osoko bilkuran. Iturria: ataria.info

EH Bilduko udal taldearen izenean Xabat Laborde zinegotziak aurkeztu zuen alkatearen dimisioaren gai honetan koalizio abertzaleak egiten duen irakurketa:

"Errespetatzen dugu Ibanen dimisioa, nola ez, ez dugu horren inguruan ezer gaineratzeko. Oraingoan umil eta xume, barkamena ere eskatu duzu, eta benetan pozten naiz hori egin izanagatik, iban. Baina ezin dugu aipatu gabe utzi, ez dugu uste dimisio honen azalpena emateko modua egokia izan denik. Ardurak asumitu ordez, ardurak udal langileen bizkar uzteko atrebentzia izan duzue eta hori ez da bidezkoa. Komunikabideetatik jarraitu dugu zuen kudeaketa guzti hau, eta ikusi dugu Villabonako EAJren izenean Eneko Urdangarin zinegotziak ere bertsio berdina zabaldu duela Aiurri aldizkarian, nahiz eta gero etxe honen barruan Ibanen hitzak izan zirela esan. Ez guk eta ez herritarrek oraindik ez dugu dimisio honen azalpen logiko eta argirik jaso. Zein da agintaldia abiatu zenutenean, udal barruko lan giro "ezeroso" hori? zertaz ari zarete zehazki hori esatean? Herritarrek azalpen ulergarri eta argi bat merezi dute.

Udal bat gobernatzea oso zaila da, ondo dakigu. Baina Villabonako udala ez da Jaurlaritza. Amasa-Villabonako herria herritarrok egiten dugu, guztiok. Eta EAJko udal taldekoak hori aintzat hartu gabe aritu zarete. Eta bistan da, herria aintzat hartu gabe lan egiten denean, arazoak sortzen dira.

Gaur urte bete hartu zenuten aginte makila, eta tamalez lehen urte honetako balorazioa ezin da positiboa izan, gure ustez Amasa Villabonarentzat galdutako urtea izan da honakoa. Herri proiekturik gabe ari zarete lanean, herritarrengandik urrun, hasieran "parte hartzea, elkarrizketa, akordioa, elkarlana..." aipatzen zenuten baina ondoren argi geratu da ez duzuela horretarako inolako borondaterik eduki, oposizioaren lana oztopatzen aritu zarete, udal honetan ia ez da batzorderik egiten (batzordeak dira gai ezberdinak landu, eztabaidatu eta adosteko udalak dituen foro garrantzitsuenak) eta guzti horrek guk egin nahi ditugun ekarpenei ateak istea ekarri du. 

Guk arduraz jokatzen jarraituko dugu, legealdi hasieran oposizio eraikitzailea burutu eta proposamenak egiten arituko ginela esan genuen, eta horretan aritu gara urte honetan. EH Bildutik ezkerretik herri honi alternatiba parte hartzailea eta herritarra eskainiz jarraituko dugu.

Azken eskaera bat egin nahi diogu EAJko udal taldeari: billabonatarrok alkate billabonatarra merezi dugu (horrek dakarren guztiarekin, herriaren ezagutza...), eta hala nahi dugu gainera, uste dut billabonatar gehienen nahia azaltzen dugula eskaera honekin (ez soilik EH Bildu bozkatu dutenena, konbentzituta gaude herritarren gehiengo oso handi batek eskaera berdina egiten duela). Villabonako udalak ez du inoiz herrikoa ez den alkate bat izan. Espero dugu eskaera hau haintzat hartzea hurrengo alkatearen hautaketan."

EAJko udal taldetik ez zioten erantzunik eman eskaera honi eta jaina denez, oraingoz Ibon Ariznabarreta izango da alkatea "funtzioetan". EAJtik zinegotzi eta alkate berriak nortzuk izango diren "laster" jakinaraziko dutela esan zuten eta beraz, oraindik ezin dugu ezer baieztatu. 

EH Bildutik oso argi adierazi nahi dugu herriko kaleetan ezartzen diren kartelek edo pankartek sor ditzaketen arazoak aztertu eta konponbideak bilatu behar direla pentsatzen dugula. Espazio publikoaren (kalearen eta kaleko pareten) erabilera gizalegezkoa izan behar da eta kalteak eragin gabe garatu behar dela defendatzen dugu.

Gure ustez gai hau seriotasunez landu behar litzateke eta neurri edo arauak ezarri behar badira, hauek ahalik eta adostasun zabalenarekin onartu behar direla defendatzen dugu. Horretarako, antolatzen dituzten ekintzen propaganda egiteko kartelak jartzen dituzten herriko elkarte eta eragileekin elkartu eta gaia modu irekian jorratu behar litzateke, planteamendu eraikitzaile eta propositiboarekin. Baina oraingoan ere, legealdi honetako estiloari eutsiz, udalak aldebakartasunez ordenantza bat onartzea eta neurri zorrotz eta zigortzaileak inposatzea erabaki du.

PNVko ordezkariek gai honetan akordioa bilatu nahi izan dutela diote, baina hasieratik ordenantza eredu bakarra jarri dute mahai gainean, nahita EH Bildurekin akordio bat lortzeari ateak itxiz. Eta gure ustez, eragile ezberdinekin adostasunik bilatu gabe, prepotentziaz ezartzen diren arauek, ibilbide urria dute, ez dira eraginkorrak eta giroa nahasteko besterik ez dute balio.

Kartel edo pankarta bat jartzeagatik 100 eta 200 euro arteko isuna

Ordenantza honek debeku eta zigor-neurri ugari ezartzen ditu eta jeltzaleek paretetan kartelak eta kaleetan pankartak edota banderak jartzea "arautu" nahi dutela esaten badute ere, errealitatean euskarri hauen ezarpena debekatu egiten du ordenantza honek. Beraz, ordenantza indarrean sartzen denean, guztiz debekatuta egongo da (udalak jarriko dituen panel gutxi batzuetatik kanpo) kartelak, pankartak edota banderak jartzea. "Arau hauste" hauengatik 100 eta 200 euro arteko isuna ezarri ahal izango dio udalak edozein pertsonari edo sinatzen duen elkarteari.

EH Bilduren ustez honako neurriak adierazpen eta informazio askatasunaren aurka doaz zuzenean eta oinarrizko giza eskubide hauek murriztea, kontu kezkagarria da.

Azken asteetan PNVk eta Maite Izagirre alkateak argitaratutako iritziekin herriko giroa gaiztotu nahi izan dute, ordenantza honen onarpenari bide emateko edo arau gogor hauen ezarpena auto-justifikatzeko asmoz. Logika honetan soilik uler daiteke martxoaren 8aren hurrengo egunean, alkateak greba feministaren eta mobilizazioen arrakasta aipatu ere egin gabe, herrian agertutako margoketa batzuk nabarmendu nahi izatea. Era berean margoketen kontra udalak argitaratutako bandoak estrategia horri erantzuten dio.

Eta orain hementxe dugu Mozal Legearen gisa bereko udal ordenantza, margoketak, kartelak eta beste adierazpen mota asko zaku berean sartzen dituena.

Azkenik PNVk udaleko web orri ofizialean argitaratutako gezurrez jositako ohar lotsagarria aipatu behar dugu. Manipulazioaren adibide ezin hobea. Erabat onartezina da erakunde publiko baten izenean gezur borobilak jaurtitzea, adibidez hitz batzuk oposizioko zinegotzi baten ahoan jarriz (komatxo artean) hitz horiek sekula esan ez direnean. Hau adibide bat besterik ez da, ohar penagarri horretatik beste hainbat ere aipa genitzake. Bestalde udal gobernuko jeltzaleei gogorarazi behar diegu EH BILDU dela oposizioko alderdi nagusiaren izena, ez ezker abertzalea. Probokazio gisa udalaren oharrean behin eta berriro errepikatzen da ezker abertzalearen izena. Guk gutxieneko errespetua eta gezurrik ez argitaratzea da eskatzen dugun bakarra, baina badirudi herritarrei gezurrak sinestarazteko helburu zikoitzarekin, jeltzaleak edozer gauza idazteko gai direla. Honek agerian uzten du egungo udal gobernuak duen lotsa eta etika gabezia larria.

Amasa Villabonan, 2018ko martxoaren 23an

EL AYUNTAMIENTO APRUEBA LA ORDENANZA PARA "REGULAR LA PUBLICIDAD" RECORTANDO LA LIBERTAD DE EXPRESIÓN

Desde EH Bildu pensamos que es conveniente analizar y buscar soluciones a los problemas que surgen a partir de la utilización del espacio público con a la colocación de carteles y pancartas. Creemos que el uso del derecho a comunicar e informar se tiene que hacer con civismo y sin generar perjuicios a nadie.

Dicho esto, pensamos que la regulación de la utilización de las calles y las paredes se tiene que realizar con amplios consensos y afrontarlo desde un punto de vista constructivo. Para ello consideramos imprescindible dialogar y contar con la participación de los agentes sociales y las asociaciones del pueblo que utilizan las calles para anunciar sus actividades. Pero otra vez más, el PNV, siguiendo su estilo de gobierno, ha decidido aprobar unilateralmente una ordenanza de claro carácter sancionador y punitivo.

Multa de entre 100 y 200 euros por pegar un cartel o colocar una pancarta

La ordenanza en cuestión, contempla medidas sancionadoras claramente exageradas. A partir de ahora el Ayuntamiento podrá multar a las personas y asociaciones por pegar un simple cartel con celo. Además, el PNV ha expresado que pretenden regular la colocación de carteles, pancartas o banderas, cuando lo que hace esta ordenanza es directamente prohibirlas. Si esta ordenanza entra en vigor, ya no se podrá poner un solo cartel en la pared, ni pancartas y/o banderas en la vía pública.

Pensamos que estas medidas recortan gravemente el derecho a la información y la libertad de expresión y nos retrotraen a épocas pasadas de autoritarismo. Esto es sin duda preocupante.

Las últimas semanas, el PNV con la alcaldesa Maite Izagirre a la cabeza, ha querido enrarecer y enturbiar el ambiente con la pretensión justificar y de abonar el terreno para la implantación de esta ordenanza. Sólo en esta lógica se puede entender la carta que publicó la alcaldesa el día después del 8 de marzo, poniendo el foco y el acento en las pintadas de las calles y obviando completamente el éxito de la huelga y las movilizaciones feministas de la víspera. El bando municipal que se refería al “malestar social” generado por las pintadas y la nota del PNV que publicada en la prensa, entran dentro de esta misma estrategia de crear crispación donde no lo hay, para justificar la implantación de estas medidas que recortan libertades.

Pues bien, ya han hecho lo que pretendían y ahora el ayuntamiento dispone de una ordenanza al más puro estilo Ley mordaza, que mete en el mismo saco para reprimir y sancionar las pintadas, los carteles y otras maneras de ejercer el derecho a la información y la libertad de expresión.

Para terminar queremos denunciar la vergonzosa nota de prensa, llena de falsedades que ha publicado y enviado a la prensa hoy mismo el gobierno municipal, que es un claro ejemplo de manipulación informativa. Es intolerable que en nombre de una institución pública se mienta descaradamente, publicando de forma entrecomillada, supuestas declaraciones de concejales de la oposición que sencillamente no han existido. Esta actuación deja en evidencia los pocos escrúpulos a la hora de difamar y la gran falta de ética que atesora el equipo de gobierno del PNV.

En Amasa Villabona, a 23 de marzo de 2018

Lehenik eta behin, Amasa Villabonako EH Bildu koalizioak Iban Agirrek hartutako erabakia guztiz errespetatzen duela adierazi nahi du.

Era berean, EAJ alderditik eman diren azalpenetan udaleko langileei egiten zaien kritika, onartezina dela iruditzen zaigu. Ez da bidezkoa Agirrek eta EAJko udal taldeak Villabonako udala gobernatzeko izan duen ezintasuna, langileen jarrerari leporatzea.

Gaur 20:00etan Kale Nagusiko 59. zenbakian dugun egoitzan, dimisio honen nondik norakoak eta udalean izango dituen ondorioak azaltzeko, batzar informatiboa egingo dugu.